Vlnr: Wynand Viljoen, Behan de Kock, Gerrie vd Merwe, Johan Lesch en Oubaas Lesch
SATERDAG, 1 MAART 2014
Die sterk winde van die voorafgaande dae het nie gedui op ‘n perfekte hengeldag nie, maar goeie (eerder toegewyde) visser-manne moet jy egter nie onderskat nie en ‘n paar mooi visse is ingeweeg.
Die eerste dag van die galjoenseisoen het ook menige hengelaar vol verwagting seewaarts laat draai, maar die water was blykbaar te rof en redelik koud (volgens die manne wat weet). Gerrie van der Merwe het egter ‘n pragtige galjoen ingeweeg, die 2de swaarste vis van die dag. Die spogvis van die dag – ‘n mosselkraker van 3.92kg – was gevang deur die jongeheer Johan Lesch. Hy was dan ook die wenner van die swaarste vis en swaarste sak.
‘n Kompetisiedag sonder borge kan egter nie gehou word nie. Die borge van Saterdag se kompetisie, asook ander gereelde borge, word dan ook weer eens bedank vir hul bydraes, nl: Boland Sports (Gansbaai Sport and Tackle), Gerrie van der Merwe, Fynbos Shoppe, Fish Fewer.
Net weer so ‘n kort profiel oor die Klub, veral vir nuwe intrekkers en diegene wat belangstel om by ‘n gemaklike, sosiale klub aan te sluit. Die klub is in sy derde bestaansjaar en gestig omrede die behoefte onder Gansbaai-omgewing se hengelaars ontstaan het vir ‘n klub in eie geledere. Kompetisies is maandeliks op ‘n Saterdag, met inweeg en gewoonlik ‘n gesellige samekuier daarna by die Overberg Bootklub (hou die maandkalender in Gansbaai Courant dop vir inligting).
Die klub het uitmuntende hengelaars wat met die bestes in die land kan meeding, maar baie van ons het darem al stokke en gerei – die vis kort nog! As jy egter nie ‘n lyn in die water het nie, kan jy nie visvang nie is die gesegde. Ons leer egter baie by die manne wat gereeld vis inweeg, maar die gesellige saamkuier maak op vir die gebrek aan eie vis.
‘n Hoogtepunt vir die klublede verlede jaar was die kompetisienaweek op Stilbaai, waar hul lede ons omtrent onthaal het. Die groot hengelkompetisie op 26 Desember, gereël deur die Klub, was ook ‘n reuse sukses wat jaarliks herhaal gaan word. ‘n Totaal van ongeveer 200 hengelaars het hieraan deelgeneem, en is ‘n heerlike doending vir al die besoekers aan ons mooie omgewing.
Enige navrae kan aan Leibrandt van Niekerk by 082 487 3106 gerig word. Hengelgroete,
Elba Tredoux
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
