Die aanbieders tydens die Wêreldbiddag vir Vroue, met vlnr Joanie Meiring, Hettie Oosthuizen, Connie Langeveld, dr Lisel Joubert (prediker) en Yvonne Walters
Dit was vanjaar se tema vir Wêreld Biddag vir Vroue, wat deur die NG Vrouediens op Vrydag, 7 Maart 2014 in ‘n prag-versierde kerkgebou, wat by die woestyntema aangepas het, aangebied is. “Met blydskap sal julle water skep uit die fonteine van redding” - Jessja 12:3, het die verwelkomingskaartjie gelui.
Dr Lisel Joubert het die boodskap aan ‘n groot groep dames in ‘n byna-vol kerkgebou gebring. ‘n Onderwyser en afgevaardigde leerders, onderskeidelik van Gansbaai Academia en Gansbaai Primêr, was ook teenwoordig. Die verrigtinge het glad verloop en Lisel se boodskap is met samesang en voorlesings uit Jesaja en Johannes afgewissel. Sy het ook insiggewende agtergrondinligting oor Egipte gedurende die Bybelse tydperk aan die vrouens oorgedra en ook na “Vroue stemme uit Egipte” verwys. “In die Bybel word Egipte met die Farao’s vereenselwig wat die Israeliete as slawe gebruik het totdat Moses hulle uit die slawerny uitgelei het,” het Lisel gesê. “Maar ons vergeet dikwels die belangrike rol wat Farao se dogter in die redding gespeel het. Sy het nie net die baba, Moses, téén haar pa se opdrag gered nie, maar ook met ander vroue saamgesweer om Moses te beskerm en groot te maak.” Die vrouens het ook op voorbidding gefokus, met ‘n versugting van “Luister na ons, o Here!” en ‘n belydenis van “Here, hoor ons stemme vanuit die woestyne van ons lewens”. Die gewyde byeenkoms is met die sing van “Ons Vader wat woon in die hemel” afgesluit.
Die volgende bedankings is voorgehou: dr Lisel Joubert (boodskap gelewer); Elcine Hulme en die Vrouediens (reëlings en gasvryheid); Anita Botha en helpers (versiering van die kerk); voorlesers Connie Langeveld, Yvone Walters, Hettie Oosthuizen en Joanie Meiring; Pikkie Louw (orrelis); Maureen Voigt (dataprojektor) en Marius le Roux (koster). Maureen Voigt en Antonette Walters het die foto’s geneem. Die dames was dit eens dat die byeenkoms as ‘n persoonlike hoogtepunt ervaar en beleef is.
Hardus Botha
Leerder-afgevaardigdes met vlnr Gansbaai Academia se me Liezel Mostert, Kelly Swarts, Peron Barends, Erika Swart en Monica de Gouveia, saam met Gansbaai Primêr se Pamela Poswayo, Heidré Loff, Leoné Theunissen en me Ellen Dunsdon.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
