Barton Vineyards Wynkelder
Gansbaai Wynproegilde se jaarlikse wyntoer was vanjaar só gewild, dat twee bussies vir die toer na Botrivier nodig was. Die wyntoer-lede het by Gansbaai Inligtingsentrum bymekaargekom, waar Helmie de Vries, voorsitter, en sy eggenote, Amanda, vir toebroodjies en ‘n glasie mos gesorg het. Op die bussies is die tradisionele sjampanje-glasies geklink in afwagting vir ‘n genotvolle en gesellige wyntoer. Eerste aan die beurt was Benquela Cove Wine Estate, met Louise Lee as aanbieder. Hulle Pinot Noir 2009, Shiraz 2010, Shiraz 2009 en Woody Lagoon 2011 is te proe aangebied.
Die tweede besoek is aan Barton Vineyards Wynkkelder, waar ‘n gebore Vrystater, PJ Geyer, die groep in “duidelike taal” vertel het hoe wyn gemaak moet word. PJ se wyne wat geproe is, is Chenin Blanc 2013, Sauvignon Blanc 2013, Sauvignon Blanc / Semillon 2013 en Shiraz Rose 2013, met sy persoonlike gunsteling, asook dié van die lede, ‘n Merlot 2012. PJ is tegelykertyd ‘n wynbouer en wynmaker en hy beskou versnede (versnit) wyne (blends) as topwyne, “aangesien dit uitstekende wyne is wat gemeng word.” Die laaste wynkelder wat besoek is, met toerlede wat teen daardie tyd ernstig honger begin raak het nadat hulle dors “meer as genoeg” geles is, was die pragtige wynlandgoed van Gabriëlskloof Wynkelder. Daar het Bernhardt Heyns en sy dogter, Nicolene, die toerlede op 8 wyne trakteer: Sauvignon 2012, Magdalena 2011, Viognier 2011, Rosebud 2013, The Blend 2011, Five Arches 2009, Shiraz 2011 en Swartrivier Shiraz 2009. ‘n Smaaklike (en welkome!) middagete is daar genuttig en die “bloedstrome” kon ietwat herstel. Vir navrae rakende Gansbaai Wynproegilde kan Helmie de Vries by 028-388-0708 of 082-577-6920 gekontak word, of stuur 'n e-pos aan hom by info@franskraalbandb.co.za.
Hardus Botha
Gabriëlskloof Wynkelder
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
