Voor vlnr is Marensia Haasbroek en Jacoba Europa met die groot groep Wolseley kuiergaste
Die bejaardes van Silwerjare Dienssentrum is onlangs met ‘n welwillendheidsbesoek deur Wolseley se bejaardes verras. “En was dit nou ‘n aangename kuier gewees wat ons terdeë geniet het,” vertel Jacoba, Bestuur-der: Silwerjare Dienssentrum en Oak Grove Nasorgsentrum.
Marensia Haasbroek, koördineerder van Wolseley se Badisa Sentrum, het hulle bejaardes vir 2 dae na Uilenkraalsmond gebring - vir ‘n “vakansietjie”, in totaal 54 van hulle met ‘n toerbus. “Ons het dit as ‘n welverdiende uitstappie gereël, met meeste van die bejaardes wat Gansbaai nog nooit gesien het nie,” sê Marensia. Hulle besoek aan Silwerjare Dienssentrum was ‘n hoogtepunt. Hulle het gesels, gekuier, gedans, gesing en sommer ‘n toneeltjie ook opgevoer. “Ons het hulle verskriklik geniet en kan nie uitgepraat raak oor die besoek nie,” sê Jacoba.
Die groep is deur twee bejaardes, Piet Jacobs en Cornelia Cloete bedank, waarna koek en tee geniet is. Jacoba het saam met hulle gery om ‘n paar plekke aan hulle uit te wys. Onder andere het hulle Gansbaai hawe besoek waar hulle terstonds die aand se vis gekoop het om te gaan braai. Sy is ook saam na Fish Lady waar hulle die volgende dag se kos bestel het. Daar is Jacoba, Marensia en nog ‘n lid vriendelik met gratis vis en skyfies bederf. Ná die rondryery is die groep vrolike bejaardes terug na Uilenkraalsmond vir hulle visbraai en “om onder die bome te gaan dans dat die stof so staan”!
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
