Neville Harker sit langs sy TV wat, nádat dit ontplof het, op die ashoop beland het
“Dit het geklink soos veraf geweerskote toe ons TV in die sitkamer ontplof het,” vertel Neville Harker van Franskraal Karavaanpark.
Hy en sy eggenote, Madeleine, was gelukkig nie teenaan die TV toe dit ontplof het nie, maar het hulself boeglam geskrik. Neville sê hy het die gewoonte om die TV teen die muur af te skakel wanneer hulle klaar gekyk het.
Oudergewoonte het hy dit weer op Maan-dag, 17 Maart 2014 om 16:45 aangeska-kel en met die afstandbeheer-toestel ‘n entjie weg (gelukkig!) gaan staan. “Eers was daar net ligte rook, waarna ek die TV weer afgeskakel het, maar die vol-gende oomblik was dit net ‘n hewige slag met pikswart rook wat die hele huis gevul het,” vertel Neville. Hy sê hy is daarvan oortuig dat, indien hulle nie tuis was nie, die huis sou afgebrand het. “Dit was vir ons ‘n baie groot skok, maar terselfdertyd wil ons baie dankie sê aan ons bure, Marie de Lange, Johan Foges en Riaan Maree wat ons binne oomblikke te hulp gesnel het.” Madeleine sê dit was harde werk om alles weer skoon te kry, aangesien die pikswart rook alles bedek het. Met die tong in die kies het sy na die TV as Neville se “aarvoeding” verwys wat nou daarmee heen is. Lesers met ‘n goeie geheue sal onthou dat ‘n foto van Neville op sy fiets, met sy wit poedeltjie, Candy (wat intussen dood is) op sy skouer, op Gansbaai Courant van 16 April 2004 se voorblad gepryk het. Die onderskrif het gelui: “Alle wiele het Woensdag stembusse toe gerol. Neville Harker en Candy, sy wit poedel, het die lang pad vanaf Franskraal Karavaanpark na Kleinbaai se stembus aangepak om te gaan stem.”
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
