Die Belydenisgroep van die NG-gemeente Gansbaai, met vlnr André-Pierre Gouws, Schalk le Roux, Emile Smith, ds Willie Kotze, Janelle Smit, Chad Kruger, Johann Truter en Monique Grebe
“Dit is vir my ‘n besonderse voorreg om julle groep vandag voor my te sien staan vir die aflegging van Belydenis van Geloof,” het ds Willie Kotze, leraar van die NG-gemeente, Gansbaai gesê. “Ek is in 1995 na hierdie gemeente beroep en bykans al sewe van julle is in 1996 gebore, wat beteken dat ek julle reeds sedert julle geboortes ‘ken’ en ook sommiges van julle gedoop het.”
Die groep van 7 jongmense het op Sondag, 16 Maart 2014 die geleentheid ontvang om hul Belydenis van Geloof af te lê om sodoende volwaardige lidmate van die NG-Kerk te word. Hulle is André-Pierre Gouws, Chad Kruger, Emile Smith, Janelle Smit, Johann Truter, Monique Grebe en Schalk le Roux.
Ds Kotze het sy boodskap op Hebr 10:23-25 baseer, wat op die volgende persoonlike boodskappe aan hulle neergekom het: “Dat almal van julle styf aan die hoop wat julle bely sal vashou” (vers 23); “Dat julle na mekaar sal omsien deur mekaar aan te spoor tot liefde en goeie dade” (vers 24); “Dat julle nie van die samekomste van die gemeente sal wegbly nie, maar mekaar eerder sal aanmoedig om daarheen te gaan” (vers25).
Voorwaar bemoedigende woorde aan vandag se jongmense wat môre se leiers gaan wees. Die jong lidmate het daarna verversings in die Kleinsaaltjie saam met hulle ouers geniet.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
