Die Cansa Relay For Life het weer vir vele pret gesorg met dié jaar se tema : “Kanker oor grense”. Die spanne is gevra om verskillende lande se kleredrag, vlae, kultuur en uitstaande kenmerke uit te beeld. Die belangrikste komponent was die navorsing wat elke span moes doen oor die tipe kanker wat die meeste in daardie spesifieke land voorkom en die redes daarvoor. Ons was verras met die kreatiewe maniere waarop die spanne die uitbeelding gedoen het. Pryse is toegeken aan Denemarke( Nissan) vir hul landsvlag wat gemaak was van plaatkoek en kolwyntjies. Die prys vir die beste plakkaat wat die inligting oor kanker in Suid-Afrika uitgebeeld het, is aan Safe Security toegeken. A-Team het vir Lesotho uitgebeeld en het baie moeite gedoen om tradisionele kleredrag en toerusting te vertoon.
Die dag het ook gesorg vir vele vermaak vir oud en jonk. Kunstenaars wat opgetree het was onder andere Mika en Lara, Manie Jackson, Charne Hugo, Edian Barnard, Neels Moir, Jeandre van der Walt, Theresa, asook die Line-dancers (Dee Ridge) en Lani’s Latin America Ballroom Dancers. Nog ‘n hoogtepunt was die “Wêreldbeker”. Spanne het eier-, driebeen- en kruiwa-stootresies gehardloop en Checkers het weggehardloop met die beker. Die manne van “Round Table” het gesorg vir die kos, soos heerlike lams, wild- en hoenderpotjie, hamburgers, boereworsrolletjies, roosterkoek en slaptjips. Oasis het ons gesond gehou met water en Cathy de Villiers het die heerlikste groentesappe verkoop.
Hierdie jaar was daar ‘n totaal van 105 oorwinnaars en 75 spanne wat die Relay For Life 2014 bygewoon het. Ons wil ook sommer van die geleentheid gebruik maak om al die oorwinnaars uit te nooi na ons ondersteuningsgroep wat elke derde Woensdag van die maand om 10:00 by Europa Restaurant plaasvind. Hier gesels ons nie net oor die moeilike tye van diagnose en behandeling nie, maar deel belangstellings, gesonde leefstyl en sprekers wat hul kundigheid oor verskeie onderwerpe deel.
Kansa wil graag al die vrywilligers wat die Relay For Life Overstrand 2014 moontlik gemaak het, bedank vir hulle onbaatsugtige diens! Ons wil ook elke borg, die spanne asook die dagbesoekers bedank vir hulle bydrae tot die jaar se suksesvolle Relay For Life.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
