Vlnr is Overstrandse Uitvoerende Burgemeester, rdl Nicolette Botha-Guthrie, Brigadier Makawu SAPD, Adjunk-Direkteur David Frost van die Dept van Vervoer en Verkeers-Offisier Virgil Bester
Burgemeester Nicolette Botha-Guthrie het op Woensdag, 19 Maart 2014, die Overberg Veiliger Paasfees-veldtog by die Wine Village in Sandbaai op die R43 bekendgestel. SAPS, MCM, mediese nooddienste, provinsiale en plaaslike verkeersdepartemente het die geleentheid bygewoon.
Verrigtinge is met gebed geopen en daarna het die Burgemeester in haar toespraak aangedui dat die veldtog ten doel het om ’n veilige en insidentvrye Paasvakansie in die Overberg-streek te verseker.
Die hooffokus en doelwitte is ’n gesamentlike poging deur die verskeie belanghebbendes om hoë sigbaarheid op alle roetes te versterk ten einde padongelukke oor die baie besige Paasnaweek te verminder.
Die Burgemeester het die afgevaardigdes toegespreek: “Terwyl die meeste mense die naweek en Paasvakansie met hulle familie en vriende sal deurbring, is julle die mense wat aan diens sal wees om veiligheid op ons paaie te verseker.”
Sy het gesê sy besef dat niemand daarvan hou om by padblokkades te stop nie, alhoewel hulle weet dat dit nodig is om wet en orde te handhaaf. Niemand hou daarvan om ’n spoedkaartjie te kry nie, alhoewel hulle weet dat spoed ’n moordwapen is.
Niemand hou daarvan om ’n boete vir roekelose bestuur te ontvang nie, alhoewel hulle weet dat dit ongelukke veroorsaak.
“Ek bedank julle vir julle onbaatsugtige dienslewering om ons veiligheid te verseker. My wens is dat die Overberg hierdie jaar die Paasnaweek sal vier sonder enige insidente, ongelukke en misdaad.
“Wanneer julle bestuur, wees wakker, dink namens die bestuurder van die ander voertuig en wees op die uitkyk vir fietsryers en voetgangers. Reis veilig. Ek groet u.”
Noluthando Zweni
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
