‘n Voorbeeld van ‘n mensgemaakte pikkewynhuisie deur Dyer Island Conservation Trust se Faces for Need projek
Tydens die onlangse Mariene-aand deur Dyer Island Conservation Trust (DICT) in die Great White House, is “Afrika Pikkewyn Inisiatiewe” deur Alouise Lynch aan die gaste oorgedra. “Die aanbieding het hoofsaaklik op ‘n kortlikse verduideliking van die historiese en huidige gevare wat ons pikkewynbevolking in die gesig staar, gefokus,” sê Alouise.
Die volgende is enkele van die interessante feite wat sy in haar aanbieding weergegee het: 16 bekende spesies kom in die Suidelike halfrond voor en al 16 is onder bewaring, met 4 wat as bedreigde spesies beskou word, waarvan die Afrika Pikewyn een is. Laasgenoemde is endemies in Suider Afrika en kom vanaf Namibië tot by Port Elizabeth in 26 kolonies voor. Gedurende die vroeë 1900’s was daar ‘n geskatte populasie van 700,000 Afrika Pikkewyne, maar dit het gedurende die afgelope 100 jaar met 94% gedaal.
In Dyer Island se geval het die populasie sedert 1970 van 70,000 individue na 1,400 gedaal, wat inderdaad kommerwekkend is. “Historiese bedreigings was onder andere die verwydering van guano en die oes van pikkewyn-eiers. Tans is die belangrikste bedreigings vir die Afrika Pikkewyn die kompetisie met Pelagiese visserye vir sardyn en anchovis, olie-besoedeling en -storting, kompetisie met robbe, asook die gevare wat roofvoëls inhou.” Met die verwydering van guano kan die pikkewyne nie meer veilig broei nie en broei nou bo-op die grond, wat hulle des te meer kwesbaar vir ander omstandighede maak, aangesien hulle nie op die neste kan bly sit nie. DICT het lankal reeds met mensgemaakte pikkewynhuisies begin, wat reeds uitstekende resultate behaal het.
“Ons voer ook etlike reddingsaksies uit en vervoer beseerde pikkewyne en seevoëls na SANCCOB in Kaapstad, met sowat 27,000km wat al op eie koste vir hierdie doel afgelê is,” sê Alouise. “Dit is dan ook die motivering vir die bou van ‘n African Penguin and Seabird Sanctuary in Gansbaai waar onmiddelike aandag aan rehabilitasie en versorging gegee kan word alvorens hulle weer vrygelaat kan word.” Gansbaai Courant sal nader aan die tyd oor hierdie onderwerp rapporteer.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
