“’n Stukkie geskiedenis het Maandag plaasgevind met die verwydering van die gesigte en wysers van die NG-gemeente se Kerkhorlosie om plek te maak vir nuwes wat binnekort geïnstalleer sal word,” sê Jannie Botha, voorsitter van die projek.
“Die gesigte wat verwyder word het die gemeenskap vir bykans 70 jaar van tyd voorsien, maar dit het deur die jare ernstig verweer en moes vervang word.” Hierdie opknappingswerk geld ook vir die bestaande konstruksie van die toring waar die horlosie se meganiese stelsel is. Groot dankbaarheid bestaan jeens Paul Knoetze wat betrokke is.
Jannie Botha is bo in die Kerktoring besig om die Kerkhorlosie se wysers te laat sak, met Johan Hulme wat onder seker gemaak het die “landing” word veilig uitgevoer
“Hy het ‘n ongelooflike kennis van ou kerkhorlosies en het al verskeie daarvan herstel en ons as Kerkraad is dankbaar teenoor ons Hemelse Vader vir die talent waaroor Paul beskik.” (Meer oor Paul later). Die afhaal van die gesigte en wysers was beslis nie ‘n maklike taak nie. Alle stukke moes versigtig met ‘n tou aan die buitekant laat sak word en Jannie en Johan Hulme moes hul vasvat ken, maar hulle het deeglik daarin geslaag. “Die wyserratte en gegoote yster van die gesigte is swaar en daar moes ook daarop gelet word om nie die kerkgebou en dak te beskadig nie,” sê Jannie.
Die Kerktoring- en Horlosie Komitee bestaan uit Jannie Botha (voorsitter), Paul Knoetze (horlosie), Johan Hulme (bouer), Thys de Vries (ingenieur) en Hannes Cilliers (finansies). Hierdie is egter ‘n baie duur projek en selfs die NGK se Kerkkoor het besluit om ‘n bydrae te lewer. Hulle oefen baie hard aan ‘n “Klugtige Operette”, Sneeuwitjie en die 7 Bergies wat op 25 en 26 April om 19:00 vir 19:30 in die Pretoriussaal opgevoer gaan word. Die opvoering beloof om skreeusnaaks en baie goed te wees, met kaartjies wat teen R40 (volw) en R20 (kinders) by die Kerkkantoor gekoop kan word. (Meer hieroor later.) “Die fondse van hierdie opvoering is vir die herstel van die kerkhorlosie ge-oormerk,” sê Aletta Lochner, koorafrigter en regisseur van die “Klugtige Operette”.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
