Vlnr is Mirriam Cotton (aanbieder) saam met Aletta Lochner en Marie de Jager tydens die oorhandiging van ‘n blyk van waardering aan Mirriam
Die maandelikse byeenkoms van die Damesklub van Perlemoenbaai en De Kelders is goed deur sowat 60 lede bygewoon. Die gasvrouens, Aletta Lochner en Marie de Jager met hulle span het behoorlik uitgehang en die groot groep dames het hulself, soos gewoonlik, terdeë geniet - dit geld natuurlik vir die smaaklike verversings ook. Mirriam Cotton het as gasspreker opgetree en die Bietoubossers het ‘n deeglike fitologie-inligtingsessie gehad, wat hulle eerder as ‘n planteleer-sessie sou wou beskryf.
“Mirriam het begin deur agtergrondgeskiedenis oor haarself aan die dames verskaf, wat almal baie interessant gevind het,” vertel Elzma de Lange. “Daarna het sy met haar aanbieding oor plantegroei in ons tuine begin.” Mirriam het die dames deeglik uitgevra oor probleme wat ‘n rol in hul tuine in hierdie omgewing speel, soos die wind en sanderige of swak grond. ‘n Belangrike vraag onder die dames het oor die onsuksesvolle aanplanting van proteas gehandel. “Die groot probleem is dat die proteas in potte geplant is en dan in warm, sanderige grond uitgeplant word,” het Mirriam gesê.
Sy het ‘n groot verskeidenheid van plante as voorbeelde saamgebring en die dames het etlike nuttige en praktiese wenke van haar ontvang. Dit het ingesluit die verskillende plantspesies wat goed hier sal aard en watter spesies liefs vermy moet word. “Anita Huisamen was die gelukkige wenner van ‘n pragtige aalwyn, asook ‘n aanbod vir die gratis uitlê van haar tuin,” vertel Elizma. Ná die interessante gesprek rondom tuinplante, is daar gesellig saamgekuier en verversings geniet. Die Bietoubossers se volgende byeenkoms is op 13 Mei 2014 om 10:00 in die Kleinsaaltjie.
Vir Bietoubos-navrae kan Annette van Zyl (voorsitter) by 028-384-1075 gekontak word.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
