Gansbaai Courant

Rookwolke omring dorp

Rookwolke omring dorp

Gansbaai Courant

Gansbaai was die afgelope dag of wat behoorlik deur rookwolke omring. Dit het begin met 'n hewige veldbrand Maandag tussen Masakhane en die einde van die industriële gebied aan die dorp se kant. Later die aand het die brand weer opgevlam tot agter die industriële gebied.

Dinsdag het die area tussen Kolgansbaai en Beverley Hills nedersetting begin brand, selfs tot byna teen die see. In altwee gevalle was Gansbaai brandweer, verkeersmanne, polisie en Overstrand Medical Response flink aan die beweeg om groter skade te voorkom en om 'n wakende oog te hou.

'n Munisipale laaigraaf is ook ingespan om te help. Die geweldige brand in Stanford se rigting het dit vanaf Gansbaai laat lyk asof De Kelders weer gaan deurloop soos wat die digte rookwolke in hierdie rigting gewaai is. Die gebied vanaf die plaas Middelburg in die rigting van Wortelgat tot by die Spookhuis het onder die brand deurgeloop. Geen struktuur- of ander brandskade is aangemeld nie.

Van Gansbaai brandweer se beamptes en voertuie is ook in daardie rigting gestuur om te gaan help. 'n Behoorlike bedrywige paar dae met weinig rus vir diè manne en vroue met hul onbaatsugtige diens. Teen Dinsdagaand was die lug só met digte rookwolke van Stanford se kant af gevul, dat die weerkaatsing daarvan die see behoorlik swart laat lyk het, met rooi-gedeeltes tussenin wat soos 'n sonsondergang op see gelyk het.  

Hardus Botha

Rookwolke omring dorp

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant