Die oudste inwoner van Baarskeerdersbos, die byna 95-jarige Enna Groenewald, sê sy verlang terug na haar kitaarspeeljare saam met haar vader.
Nou het sy besluit dat juis dít haar wens vir haar laaste jare is…om haar dae om te speel met 'n kitaar. Een middag op pad terug van Gansbaai se winkels af, het Enna so terloops aan Elsabè van der Merwe gesê: "Ek kan kitaar speel, weet jy, maar ek het nie een nie! Ek sal só graag weer een wil hê." Elsabè het haar eggenoot, Carel, van die gesprek vertel en hy het besluit om Gansbaai Courant in diè verband te kontak. "Miskien het iemand 'n ou kitaar wat 'op die solder' lê en stof opgaar," het Carel gesê.
Die byna 95-jarige Enna Groenewald van Baardskeerdersbos wat besluit het om weer kitaar te begin speel, saam met dr Bobo van Zyl tydens verlede jaar se 90-jarige feesvieringe van die B'Bos NG-gemeente
Nou word huiwerig bygevoeg dat 'n groot kitaar nie prakties vir Enna se kleine handjies sal wees nie. "Miskien dan maar 'n kleinerige kitaar en as daar 'n brug by is, nog beter!" Carel sê toe hy van die koerant praat, was sy baie huiwerig en skaam, maar het later ingestem dat hy dit mag doen. Nou-ja, vir groter opregtheid kan mens nie vra nie!
Enna is die oorblywende lid van B'Bos se bekende "Tweeling", waarvan haar suster, Henna, op 92-jarige ouder-dom op 25 September 2010 oorlede is. Enna het aan Carel vertel hoe "Pappie", wyle Barend Groenewald wat B'Bos se laaste ystersmid was, altyd op 'n orreltjie gespeel het. Dan het hulle alte lekker musiek gemaak.
Indien daar 'n ou (kleinerige) kitaar iewers rondlê, kan Carel van der Merwe by 082-321-1794 gekontak word. Dit sal weer Enna se oë laat blink!
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
