Gansbaai Wynproegilde proe nie net wyn nie, daar word ook geleer van druiwe-pars en die funksionering van wynkelders
"Ek is nie seker wat alles hier aan die gebeur is nie, maar dis een reuse sukses!" was 'n opmerking deur een van die dames….dis nou nadat die 3de wynkelder besoek is. Gansbaai Wynproegilde se jaarlikse wynproe-uitstappie was vanjaar in die rigting van die natuurskoon Hemel-en-Aarde Valei by Hermanus. Die eerste wynkelder aan die beurt was Hermanuspietersfontein Wynkelder. Die trotse Afrikaanse etikette op die bottels het die groep beïndruk. Retha Oosthuizen het haar goed van haar taak gekwyt met die bekendstelling van die verskillende wyne met interessante wynname soos Martha, Arnoldus, Posmeester, Kleinboet, Swartskaap, Bloos en Skoonma. Agt uitstekende wyne is te proe aangebied. Wynmaker Bartho Eksteen het eweneens interessant oor die oorsprong van die eienaardige wynname gepraat, asook oor die interessante ontstaan van die wynkelder, met Hermanus wat aanvanklik as Hermanuspoietersfontein bekendgestaan het, vernoem na 'n onderwyser met die naam van Hermanus Pieters. Die tweede wynkelder wat besoek is, is die Bouchard Finlayson Wynkelder. Hier was Melanie Groenewald aan die woord en ses uitstekende wyne is daar geproe, met eweneens interessante name soos Kaaimansgat Chardonnay en Hannibal. By Newton Johnson Wynkelder het Bevan Newton Johnson die woord gevoer.
'n Gesellige oomblik om die etenstafel, nadat 4 wynkelders besoek is
Ses van hulle uitstekende wyne is deur Lisa Renzenbrink te proe aangebied. Op pad na die volgende wynkelder, La Vierge and Domaine Des Dieux Wynkelder, het een van die dameslede gesê: "Die eetplek moet nou vinnig naderkom, my peanuts is klaar!" Hier is ook ses wyne van hoogstaande gehalte geproe, maar teen daardie tyd en met 24 proe-glasies agter die blad, is daar met angstigheid na die ete uitgesien, wat besonder smaaklik voorberei is. Vir enige navrae rakende die gewilde Gansbaai Wynproegilde kan voorsitter Helmie de Vries by 028-388-0708 of 082-577-6920 geskakel word, of stuur 'n e-pos aan hom by info@franskraalbandb.co.za.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
