'n Deel van Gansbaai Fotografieklub in aksie tydens hulle praktiese uitstappie saam met Hugh-Daniel Grobler. Foto: Nicolene Richards
Klublid Hugh-Daniel Grobler het tydens die vorige byeenkoms van Gansbaai Fotografieklub seker gemaak dat klublede die kritiese belangrikheid van hul kameras se funksies sal besef en ook sal verstaan hoe om daardie funksies ten volle te benut. Hy was die aanbieder van die aand se tema, "Time Value". "Deur slegs op jou kamera se outomatiese funksies te vertrou, word vele geleenthede vir die neem van baie beter foto's verbeur," het hy gesê. Hugh-Daniel het op die 3 hoofaspekte gefokus om die beste beligte (korrekte "exposure") foto's te kan neem. Hierdie 3 aspekte het hy aan die hand van 'n driehoek verduidelik. Heelbo is die ISO (Internasionale Standaarde Organisasie), links onder is die sluiterspoed ("shutter speed") en regs onder die lensopening ("aperture"). In kort kom die definisies op die volgende neer: ISO - Dit beïnvloed die sensor se sensitiwiteit ten opsigte van lig. Hoe hoër die ISO, hoe meer lig word ingelaat; Sluiterspoed / Shatter Speed (SS) - Dit reguleer die tyd wat die sensor aan lig blootgestel word. 'n Vinnige SS "vries" die beweging van die onderwerp, terwyl 'n stadige SS die beweging wys. Lensopening / Aperture - Hier word ook na "f-stops" verwys en word aangedui as f2.8, f5.6, f8…. Dit dui op die grote van die lensopening wat die hoeveelheid lig reguleer. Hoe kleiner die f-nommer, hoe groter is die lens-opening en hoe groter die f-nommer, hoe kleiner die lensopening. Hugh-Daniel het van sy eie uitstekende foto's gebruik om die benut-ting van genoemde funksies te verduidelik.
Met die neem van hierdie besonderse foto deur Hugh-Daniel Grobler, was die sluiterspoed op 1/50ste van 'n sekonde, die lensopening op f5.6 en ISO op 800
Vir aanbied van werks-winkels, kan Hugh-Daniel (072-352-7776) geskakel word, of e-pos hom by hdgrobler@g mail.com. Op Maandag, 18 Maart het Hugh-Daniel 'n groot groep klublede en gaste op 'n praktiese uitstappie geneem om die kennis wat hulle opgedoen het te gaan toepas. Die volgende byeenkoms is 'n uitstappie na Platbos op 1 April vir 'n Bring-en-Deel Ontbyt en die neem van foto's. Die vertrektyd is 06:00, maar sal bevestig word. Navrae rakende Gansbaai Fotografieklub kan aan Christo Wessels by 082-920-9738 of Linda Kloppers by 082-550-7313 gerig word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
