Annatjie Liebenberg by die eerste "nis-in-gebruik" in die NG-gemeente se Gedenkmuur, waarin sy haar eggenoot, wyle Kallie Liebenberg, se as geplaas het
Dit is heel gepas dat die eerste nis in die NG-gemeente se Gedenkmuur vir wyle Kallie Liebenberg (15 April 1936 - 20 Junie 2011) se as gebruik is. Hy was vir etlike jare 'n gewilde, hulpvaardige en geliefde koster van die gemeente en het alom as "Kallie Koster" bekendgestaan. Dan was hy ook vir 43 jaar 'n entoesiastiese NGK Koorlid gewees. "Nou voel ek tevrede omdat Kallie uiteindelik en finaal in die nis in die Gedenkmuur tot ruste gekom het," het Kallie se eggenote, Annatjie, verlede Saterdag gesê. Sy en haar Gansbaai kinders, Karel en Yolanda Liebenberg het saam met die twee kleinkinders, Kareltjie en Lynmari, Kallie se as tydens 'n privaat geleentheid in die nis geplaas. "Die geleentheid gaan ook vir ons gepaard met sy verjaardag op Maandag, 15 April, wanneer dit Kallie se 77ste verjaardag sou gewees het." Kallie en Annatjie is op 26 Desember 1964 getroud en het 2 seuns, 'n dogter en 7 kleinkinders. Hulle is Karel en Yolanda Liebenberg van Gansbaai, met 2 kinders, Jakkie en Claudia Liebenberg van Somerset-Wes, met 3 kinders en Sariëtte Von Willigh-Barnard, getroud met Carl en woon in Nieu-Seeland, met 2 kinders. Kallie het tot en met sy aftrede op ouderdom 60, as Produksiebestuurder by Gansbaai Mariene gewerk, met in totaal sowat 48 jaar diens. Annatjie is vir die afgelope 31 jaar in diens van Gansbaai Pelagiese Visserye Beperk, waar sy steeds werksaam is.
Wyle Kallie Liebenberg wat op 20 Junie 2011 oorlede is
Met verwysing na die onderste hoekie in die Gedenkmuur wat deur Annatjie gekoop is, het haar broer, Frikkie Mostert, gesê: "Nou kan Kallie, as koorsanger, vir jou sing - Jy in jou klein hoekie..en ek in myne!" Annatjie bedank graag die NG Kerkraad en predikante vir die goedkeuring van die Gedenkmuur "wat groot berusting in my gemoed gebring het." Vir meer besonderhede oor die bespreking van 'n nis in die Gedenkmuur, kan gemeen-telede die NG-Kerkkantoor by 028-384-0510 skakel.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
