Die gemengde groep kampeerders van Gansbaai Primêr en LR Smidt Primêr van Genadendal se Eenheidsklasse, met hulle twee Juffrouens, Marieta Rademeyer en Zydia Phillips rug teen rug regs voor
"Dit is die eerste keer in die geskiedenis wat Gansbaai Primêr en LG Smidt Primêr van Genadendal se Eenheidsklasse 'n gesamentlike oornagkamp gereël het," vertel Marieta Rademeyer van Gansbaai Primêr se Eenheidsklas. Vir lesers wat onbekend met die term "Eenheidsklas" is, dit is vir leerders met spesiale leerbehoeftes. Marieta en Sane Visage van LG Smidt Primêr het die nodige reëlings getref en die groep Genadendalleerders is deur die Eenheidsklas se onderwyseres, Sane Visagie, saam met Sophia Mc Kenzie (Assistent) en Pat Adams (Voorsitter van die Beheerliggaam) vergesel. "Ons het ons nuwe vriendskapsbande soos die begin van die see se golwe ervaar," sê Marieta. "Daarna het die Eenheidsirkel verder uitgekring en hande is gevat om ons gesamentlike belange in 'n lewensarena te deel."
Die twee groepe is per bussie na Pearly Beach vervoer, vanwaar hulle so saam-saam seelangs teruggestap het. Die staptog het terselfdertyd deel van Gansbaai Primêr Eenheidsklas se inskrywing vir die jaarlikse Presidentstoekenning gevorm en dit was hulle 3de agtereenvolgende staptog. Hilton Temmers, 'n energieke sportopvoeder van Gansbaai Primêr, het diè staptog vanjaar meegemaak. "By Uilenkraalsmond het Hilton almal soos 'n ware heer ingewag en 'n helpende hand na elkeen uitgesteek, aangesien dit al hoogwater was." Marieta vertel van 'n seuntjie van LR Smidt Primêr, Joviano Jantjies wat met breinkanker gediagnoseer is, wat haar diep beïndruk het omdat hy die stap vanaf Pearly Beach saam met al sy maatjies meegemaak het. Terug by Nuwe Hoop Bedieningsentrum, waar hulle oorgeslaap het, het verskeie aktiwiteite gevolg, soos perdry, spring op die trampolien en verskeie tradisionele speletjies. "Na 'n heerlike potjiekosete is die leerders in groepe verdeel, waarna hulle 'n volmaan-nagmars deur die 'onbekende wildernis' aangepak het." Marieta bedank graag die leerders wat hulle so voorbeeldig gedra het en ook fluks met die opruiming gehelp het. "Dankie ook aan die onderskeie skoolhoofde vir hul ondersteuning, Nuwe Hoop Bedieningsentrum vir die gebruik van hul fasiliteite en die studente wat as sekuriteitswagte opgetree het."
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
