Ná afloop van die onlangse openbare vergadering vir 2013 se Fees van die Ganse het die nuwe Feesgans se veredonsies tevoorskyn begin kom.
Reeds tydens die nabetragtigingsvergadering is besluit om weg te beweeg uit die reënseisoen uit en tweedens is besluit op twee "Feeste", plus die moontlikheid van ander Feestelike aanbiedinge gedurende toepaslike naweke.
Die eerste been van die Fees van die Ganse word vir ± 8 tot 11 Augustus in Gansbaai Academia se saal beplan. Die jaarlikse gewilde Fynbosskou, gepaardgaande met vrolike instrumentale musiek- en kooroptredes sal deel van hierdie feesvieringe vorm. Asook die moontlikheid van die tradisionele Interkerklike Erediens en enkele ander interessante Feesitems, ingesluit 'n verskeidenheid van stalletjies. Die taakgroep behels met hierdie reëlings sal mettertyd meer inligting beskikbaar stel.
Die tweede been van die Fees van die Ganse word vir Saterdag, 21 September 2013 beplan. Ook hier is die finale beplanning nog in 'n proses. In kort kom dit daarop neer dat 'n ware "Dorpsfees" in Gansbaai se middorp beplan word, met die moontlikheid van enkele strate wat gesluit sal word, indien goedkeuring daarvoor ontvang word.
Die jaarlikse basaar ten bate van Herberg-aan-See sal deel van die Feesprogram vorm, met goeie samewerking tussen die Feeskomitee en die Basaarorganiseerders wat reeds bereik is. Voorbeelde van enkele Feesitems wat beplan word, is Mej Fees van die Ganse, Kaskarwedrenne, Gholfkompetisie, Fun Walk/Run, Stalletjies, Kindervermaak en veel meer, asook optredes deur plaaslike kunstenaars.
Hou Gansbaai Courant, die ware gemeenskapskoerant vir die dorp, dop vir verdere verwikkeling en verrassende aankondigings.
Feesnavrae kan aan Gansbaai Toerisme by 028-384-1439 gerig word, of stuur 'n epos aan gansbaaiinfo@telkomsa.net.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
