Gansbaai Courant

Blog: Gulde Geleentheid vir Werkgewers

Published: 16 May 2013
By:Gansbaai Courant

‘n Baie belowende program word tans geloods in die Wes-Kaap om werkloosheid te bestry waarby ook werkgewers in Gansbaai kan baat. Die program staan bekend as die “Work and Skills programme” en word deur die Workforce Group bestuur wat in Kaapstad gesetel is met kantore landwyd.

Die program sal werkgewers in staat stel om deel te neem aan ‘n program waarvolgens werksoekers opgelei kan word in sekere vaardighede wat kan bydra tot die intelektuele kapitaal van die onderneming.  Deelnemers aan die opleidingsproses sal ‘n maandelikse aansporing van R1500 ontvang terwyl dit van die werkgewer  verwag word om ook ‘n bydrae van minstens R500 per maand te maak gedurende die ses maande opleidingstydperk.

Die oogmerk van die program is om mense toe te rus met die nodige vaardighede om sodoende opgeneem te kan word as suksesvolle werknemers en toekomstige enterpreneurs in ons samelewing en ekonomie. Indien daar van u is wat belangstel, kan u op u besigheidsbriefhoof ‘n versoek rig dat u wil deelneem aan hierdie program en meld hoeveel persone u wil inskryf.  U versoek kan direk aan Angelo Lamberts , Operational Manager-Special Projects gestuur word by angelol@workforce.co.za.

Indien u enige verdere navrae verlang kan Angelo Lamberts gekontak word op selfoon   082 494 5833 of kantoor 021 9109600. Besoek gerus ook die webtuiste www.workforce.co.za vir meer besonderhede.

Belangstellendes is ook welkom om met René Beukes van die Gansbaai Sakekamer skakel by 0827774814 of met Glenda Kiltley van die Toerismeburo by 0722915564.

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...