Gansbaai Fotografieklub se tema tydens die vorige byeenkoms was "hande & voete". Soos met alle vorige tema's loop die geweldige verskeidenheid van interpretasies daarvan uit op vele interessante foto's wat aan klublede vertoon word. Die interpretasies van hande en voete het gewissel vanaf oupas en oumas, vaders en moeders tot by babas se handjies en voetjies, voete in water of sand, verfbesmeerde hande en werkende hande. Elke foto het sy eie "storie" wat aan die kyker oorgedra is, afhangend van die wyse waarop die foto geneem is. Dit is juis in hierdie verskeidenheid van interpretasies van individue waarin die genot en ook die "kuns" van fotografie opgesluit is.
Jane Bailey se foto van 'n bejaarde dame se hande
"Maar versigtigheid in oordeel moet deurgaans aan die dag gelê word," het Marc du Plessis, wat kommentaar oor die foto's gelewer het, gesê. "Hande wat byvoorbeeld 'n té groot blom vashou, is nie vir hierdie tema doeltreffend nie, aangesien die blom dan die oorheersende item op die foto is." Marc het ook gesê dat horisontale foto's "sagter" vertoon, terwyl vertikale foto's "harder en meer dramaties" vertoon. Baie geluk aan Hugh-Daniel Grobler wat tweede geëindig het met sy foto in Die Burger se foto-kompetisie. Meer hieroor in die volgende uitgawe. Gansbaai Fotografieklub vergader elke 1ste en 3de Maandag van elke maand om 18:30 te Kerkstraat 30, oorkant Gansbaai Laerskool se agterste hek. Sprekers word gereeld gereël en byeenkomste word gesellig en informeel aangebied, met voldoende geleentheid vir beginners om iets te leer.
Vir navrae kan Christo Wessels by 082-920-9738 of Linda Kloppers by 082-550-7313 geskakel word.
Hardus Botha
Christo Wessels se foto van ontspanne voete
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
