"Ons voel nou sommer veilig met die alarmstelsel by ons hokke en dan is ons nog boonop op Facebook ook te sien!"
"Ons is dankbaar dat daar 'n alarmstelsel by ons hokke geïnstalleer is," vertel Annalie Jonker van BARC. Sy sê 'n anonieme skenker het die alarmstelsel wat in sy woning gebruik is, aan BARC geskenk om groter beskerming aan die hokke te bied, nadat etlike inbrake al daar plaasgevind het. Eben Visser van Secma International Security het die alarmstelsel gratis vir BARC geïnstalleer, nadat hy dit moes aanpas om by die behoeftes van die hokke aan te pas. "Dit is ook direk aan Secma se beheersentrum gekoppel en word gratis deur hulle gemonitor, waaroor ons opreg dankbaar is," sê Annalie.
Verdere "blaffende" nuus is dat BARC nou ook oor 'n Facebook-blad beskik: "BARC Gansbaai Animal Welfare". Annalie sê die doel daarvan is om kontak met baie vriende en diereliefhebbers regoor die wêreld te kan maak. "Ek het darem al 'n hele paar mense gekry wat die blad ge-'like' het!" Kennis kan ook nou reeds geneem word dat vanjaar se gebruiklike BARC Troeteldierskou saam met die Fees van die Ganse (21 September 2013) moontlik op die Dinsdag daarna, 24 September, sal plaasvind. Hou Gansbaai Courant dop vir die bevestiging daarvan op 'n later stadium.
Vir enige navrae en/of skenkings/donasies aan BARC kan Annalie Jonker by 028-384-1740 of 082-826-0631 geskakel word. Vir diere-probleme en/of die aanneem van diere, kan Phillip Schreck (Veldwerker) by 083-742-3903 geskakel word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
