Gansbaai Courant

Blog: Fynbosskou in vooruitsig

Published: 06 June 2013
By:Hardus Botha

Met vanjaar se Fees van die Ganse wat "in twee verdeel" is, begin sake stadig maar seker vorm aanneem.

Gansbaai Courant het reeds berigte in hierdie verband geplaas, met die Fees van die Ganse wat vir 21 September beplan word en die jaarlikse Winter Fynbosskou vir 8 tot 11 Augustus. Laasgenoemde gaan vanjaar in Gansbaai Academia se saal aangebied word en sal veel meer as net die verruklike Fynbosuitstalling bevat. In die saal sal daar na rustige musiek geluister kan word, met Gansbaai Academia wat tussendeur 'n gesellige teetuin met verversings sal bedryf.

'n Verskeidenheid van fynbosspesies sal ook weer geïdentifiseer kan word. Beplanning vir 'n "new look" Winter Fynbosskou is reeds volstoom aan die gang, ingesluit verskeie interessante uitstallings en stalletjies met handvervaardigde artikels deur plaaslike mense en kosstalletjies.


Belangstellendes kan nou reeds aansoek doen vir stalletjies teen R120 vir handgemaakte artikelstalletjies. Kindervermaak (springkasteel, perde en donkiekarritte) sal ook aangebied word. Saterdagaand, 10 Augustus gaan met 'n onvergeetlike musiekkonsert gepaardgaan.
Hou Gansbaai Courant, die koerant vir die gemeenskap, dop vir verdere inligting. Vir verdere navrae en/of borgskappe en stalletjies, kan Glenda Kitley, Bestuurder: Gansbaai Toerisme by 072-291-5564 gekontak word, of stuur 'n e-pos aan haar by gansbaaimanager@telkomsa.net. 

Hardus Botha

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...