Die skrywer van “Spoor van die Perlemoenstropers”, Johan Fourie saam met sy twee kleinseuns, Ruben (links) en Wynand Malherbe tydens die bekendstelling van sy boek in die Great White House
Perlemoenstropery is in Johan Fourie se nuutste omgewingsmisdaadroman, Spoor van die Perlemoenstropers, verewig. Dié eko-spanningsverhaal, geïnspireer deur feite, gee die leser ‘n binnekykie na die onderduimshede wat Suid-Afrika se mariene-hulpbronne die afgelope jare “in ‘n krisis gedompel het”. Die intriges wat met perlemoenstropery gepaardgaan, word in diepte ondersoek. Van meet af aan is dit naelbytaksies wat die leser vanaf wetstoepassers tot by stropers, vanaf vissersgemeenskappe tot by bendes en vanaf Chinese Triades tot by korrupte amptenare voer. Johan se boek is op 20 Junie 2013 in die Great White House bekendgestel en ‘n groot hoeveelheid belangstellendes het die geleentheid bygewoon. Die Uitgewer is Naledi (Kaapstad), die Redaksiehoof is Melt Myburgh, met Johan Coetzee van De Kelders as Direkteur.
Direk ná die Inleidende hoofstuk (proloog), word Eddie Barnard van Franskraal se liedjie “Perlemoen” aangehaal. Die grootste deel van die verhaal speel in Gansbaai af en hy verwys ook na die sakeryk van die “aanvallige Madelyn Krause”, Gansbaai se eie “Perlemoen Queen”. Johan Fourie is ‘n natuurbewaarder en tans Besturende Direkteur van The Nature College Wild Life Training. Hy het as helikoptervlieënier in die SA Lugmag gewerk, maar mettertyd het die roepstem van die bos te sterk geword. In 1982 is hy as veldgids na die Krugerwildtuin. Vir vyf jaar het hy die Lebomboberge in die ooste van die wildtuin te voet met sy gaste verken. Na sy dienstermyn op staptoere, is hy oorgeplaas na natuurbestuur. Tien jaar later besluit hy om ‘n onderneming te stig wat as eksterne deskundiges deur Sanparke gebruik kon word om spesialisfunksies soos natuuropleiding te vervul.
Spoor van die Perlemoenstropers is Johan se derde Omgewingsmisdaadroman en die ander twee boeke uit sy pen is Stryd in die Bos / Cry of the Rhino en Kodenaam Tau. In Gansbaai is Spoor van die Perlemoenstropers teen R149.00 by Gansbaai Book Exchange beskikbaar.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
