Gansbaai Courant

Blog: Gratis Internet vir Gamers

Published: 18 July 2013
By:Hardus Botha

Die op-en-wakker jongmense van die rekenaarklub, The Gansbaai Gamers, glimlag van oor tot oor van dankbaarheid. Johan van Staden van Suidsee Wireless het gratis internettoegang aan hulle besorg. “In ons spesifieke geval waar ons ‘n groot groep rekenaarverbruikers is wat van LAN as kommunikasiemiddel gebruik maak, is die tipe internettoegang wat Johan vir ons geborg het, enig in sy soort in Gansbaai,” sê Riaan van Lill, broer van die groep se sameroeper, Jacques van Lill.
Jacques (links) en Riaan van Lill, die twee broers wat die bedryf van “The Gansbaai Gamers” lewendig hou

“Hierdie stelsel laat ons rekenaarspeletjies speel wat nie voorheen moontlik was nie, dit is baie vinniger en die belangrikste van alles is dat selfs oorsese spelers, wat nie aan ons LAN gekoppel is nie, kan saamspeel.” Sowat 30 rekenaarjongmanne en -dames het die vorige byeenkoms bygewoon. Die klub is in 2009 gestig en Jacques sê dit gaan steeds beter en beter, ook met nuwelinge wat aansluit. Hulle maak van Local Area Network (LAN) vir netwerk-kommunikasie tussen die rekenaars in die vertrek gebruik “en nou gaan dit soveel beter met Suidsee Wireless se borgskap,” sê Jacques. “Dankie ook aan Gansbaai Superspar vir die borg van verversings tydens ons vorige byeenkoms, asook dankie aan Glenda Kitley van Gansbaai Toerismeburo vir die saalfasiliteite wat tot ons beskikking gestel word."

Vir enige navrae kan Jacques van Lill by 072-786-2340 geskakel word, of stuur ‘n e-pos aan hom by jacquesvanlill@gmail.com.

Hardus Botha

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...