Gansbaai Courant

Blog: Beverley Hills se huise

Published: 08 August 2013
By:Hardus Botha

Die 9de voltooide huis in Beverley Hills, met vlnr Freddie Engelbrecht, Flip Otto, Sheila (Patricia) Morris (Eienaar) en past Frikkie Zeelie

S.H.A.R.E. (Social Help Animal Rehabilitation & Restouration Education - ECB), voorheen bekend as die GCA, is as ‘n MPO geregistreer en hulle Sopkombuis is in Beverley Hills geleë.

 “Ons prioriteit in Beverley Hills is kinders, gestremdes en bejaardes en die gemeenskap besluit self waar die behoeftes die noodsaaklikste is,” sê past Frikkie Zeelie. “Die nodige bestanddele word verskaf, maar die mense kook self die sop.” Maar dit gaan nie net oor sop nie, S.H.A.R.E. is reeds vir die afgelope 6 jaar besig met die bou van huisie waar die nood hoog is. Hulle 10de huis was met die ter perse gaan van hierdie berig in ‘n proses van voltooiing. “Ons bou die huise op ‘n basis van wat ons as donasies, nuut of tweedehands, ontvang en gebruik alles wat inkom vir die spesifieke huis totdat klaar is,” sê past Zeelie.

Die 10de huis (in aanbou) in Beverley Hills, met die gelukkige eienaar, Amelia Thompson heel voor, met past Frikkie Zeelie links van haar

“Dit sluit noodsaaklike tweedehandse meubels in.” Past Zeelie hou graag enkele bedankings voor: White Shark Adventures (maandelikse ondersteuning); Bayview Furniture (tweedehandse meubels vir die huise en gereelde sopbestanddele); Francois en Dedré du Toit en Fynbos Wendy (maandelikse finansiële ondersteuning, asook die hout vir die laaste huis); Gansbaai Superspar (gereelde, byna daaglikse, ondersteuning); Anonieme donateur (R10,000); Flip Otto (die groot staatmaker van die projek, plus sy bakkie); Anonieme donateurs (tweedehandse vensterrame, deure, ens); Freddie Engelbrecht van ERS (sinkplate teen billike en afslagpryse); Beverley Hills se gemeenskap (wat self die bouwerk doen); Villet & Pitzer (sopbestanddele, asook wors tydens die inwyding van die 10 de huis). Claudine Dyck, Gemeenskapsleier in Beverley Hills, haar dogter, Tania Dyck en Rhona Vermeulen word ook opreg bedank vir hulle organisatoriese hulp, sopvoorbereiding en die uitdeel van sop. “Die atmosfeer onder Beverley Hills se inwoners het gedurende die afgelope paar jaar merkbaar verbeter,” sê past Zeelie. “Dit kan onder andere gesien word in optredes, skoonmaak van erwe en selfs kinders wat rommel begin optel.”

Hardus Botha

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...