Gansbaai Courant

Blog: Veritas Toekening Opsoek na SA se top wyne

Published: 15 August 2013
By:Gansbaai Courant

Inskrywings vir Suid-Afrika se mees prominente wynkompetisie, die Veritas Toekennings, is nou oop.

Diegene wat hoop op ‘n toekenning of twee moet gerus die dagboek nadertrek: wyn- en brandewynmeesters het kans tot 21 Augustus om hul bestes in te skryf.

Laat inskrywings word teen ‘n verhoogde fooi tot 29 Augustus aanvaar.

Brandewyninskrywings word op 13 September beoordeel en die magdom wyne word van 16 tot 20 September geproe.

Die sluitingsdatum vir inskrywings, sowel as die beoordelingsproses vind vanjaar twee weke later plaas wat kelders addisionele voorbereidingstyd gun.

'n Veritas dubbelgoud is ongetwyfeld ‘n benydenswaardige pluimpie vir die vaardighede van plaaslike wynmakers en brandewynmeesters.

Die streng, blinde beoordelings-prosedures van hierdie gesaghebbende kompetisie verdien die respek van wyngeesdriftiges en -kenners wêreldwyd en gevolglik ding sowat 1700 markklaar wyne en brandewyne jaarliks mee om die gesogte Veritas simbool van hoogstaande gehalte.

Vanjaar se wyne en brandewyne wat ‘n dubbelgoud, goud, silwer of brons medalje waardig is, word gedurende ‘n glansdinee op 5 Oktober by die Kaapstad Internasionale Konvensiesentrum (KIKS) bekend gemaak.

Besoek www.veritas.co.za vir volledige inligting en inskrywingsvorms, of kontak Elsabe Ferreira by 021 863 1599, faks 021863 1552 of via e-pos na admin@veritas.co.za.

Twitter:@veritasawards
Facebook: https://www.facebook.com/VeritasAwards

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...