Gansbaai Courant

HaS se nuwe Bestuurder

HaS se nuwe Bestuurder

Gansbaai Courant

HaS se nuwe Bestuurder, John van Rooyen, saam met Anita van Dyk (links) en Suster Linda Meyer

Herberg-aan-See (HaS) se langverwagte Bestuurder, John van Rooyen, is saam met sy eggenote, Marlene, op 15 Augustus amptelik tydens ‘n geselligheid verwelkom. “Dit is noodsaaklik dat iemand in beheer moet wees en van die begin af was dit duidelik dat John in die inwoners se harte sal inkruip,” het Joe Mangiagalli, voorsitter van die Beheerraad gesê. Op haar beurt het Suster Linda Meyer gesê: “Ek en Anita van Dyk het die fort oor vele jare heen probeer hou, maar ek is dankbaar die regte persoon is nou uiteindelik aangestel en hy sal sonder twyfel ‘n groot aanwins vir ons wees.” Ds Dirk van Dyk het in sy verwelkomingsboodskap gesê die NG-gemeente het ‘n groot verbondenheid met HaS, waarop altyd staatgemaak kan word. Marlene het die Beheerraad, personeel, inwoners en die gemeenskap bedank vir die wonderlike wyse waarop hulle ontvang en deel van die span gemaak is. “Dit is vir ons ‘n unieke voorreg en ons glo die Here het ons ge-‘hijack’ en ons hier geplaas,” het sy gesê.

John is op 2 November 1954 in Newcastle, KwaZulu-Natal gebore, waar hy ook grootgeword het en sy hoërskoolloopbaan voltooi het. Na twee jaar militêre opleiding in die Suid-Afrikaanse Lugmag, het hy vir 22 jaar in ESKOM se Menslike Hulpbronne Afdeling gewerk. John het verskeie buitemuurse studies, hoofsaaklik Menslike Hulpbronne en Bestuur, suksesvol deurloop. Tot en met sy aftrede in 1996 het hy reeds vanaf ‘n vroeë ouderdom etlike bestuursposte beklee en het ook deel van ESKOM se Bestuur gevorm. Na sy aftrede het hy ‘n nuwe winkelgroep in die Wes-Kaap gestig, waarmee hy groot suksesse behaal.

Daarna bestuur die egpaar ‘n enorme Wildsplaas in die Beaufort-Wes omgewing vir 3 jaar, waarna hulle finaal in Kleinmond tot ruste kom, waar hulle vir die afgelope 2 jaar woon. John is op 11 Desember 1976 met sy “skool-kys”, Marlene in die huwelik bevestig. Hulle het een seun, Stephan in die wynbedryf, wat met Elzaan getroud is. Die egpaar steun sterk op hulle geestelike lewens. Hulle behoort teen Novem-ber vanjaar permanent na Gansbaai te verhuis.

Suster Linda het die pos van Bestuurder vir die afgelope 20 jaar bekleë, insluitend haar verantwoordelikhede ten opsigte van verpleging. Ondanks haar uitstekende bestuur van die Tehuis, sê sy dat sy nie ‘n “papiermens” is nie. Sy bly onbepaald aan terwille van hulpverlening, maar hoofsaaklik om voluit op verpleging te fokus. Vir navrae kan die Tehuis by 028-384-0501 geskakel word.            
                                                      
Hardus Botha

HaS se nuwe Bestuurder

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant