AfriForum het ná ’n baie suksesvolle jaar landswyd, en veral in die Wes-Kaap, besluit om sy vlerke verder te sprei. Tydens ’n vergadering met gemeenskapsleiers in die burgersentrum op Hermanus het AfriForum, op aandrang van plaaslike leiers van verskeie dorpe, besluit om ’n AfriForum-tak in die Overstrand-gebied te vestig. Die 144 lede van die voormalige De Mond-tak is na Overstrand se nuwe tak oorgedra. Marianne Rossouw is as interim voorsitter aangewys.
Pieter Rautenbach, die hoof van plaaslikeregeringsake by AfriForum was die gasspreker. Rautenbach het inwoners meegedeel dat AfriForum in 2013 vanaf ongeveer 30 000 lede gegroei het tot 66 000 lede. Landswyd is daar reeds 120 aktiewe takke gevestig. Rossouw het gesê enige munisipaliteit of polisiestasie kan hoër hoogtes bereik as daar ʼn doeltreffende burgerregte-organisasie is wat deurlopend as waghond gereed-staan. “AfriForum is glad nie met enige politieke party verbind nie en skroom nooit om op te staan teen ongeregtighede nie,” het Rossouw gesê.
Die toename in misdaad in die Overstrand-omgewing, die beweerde instroming van plakkers, die bestuur van dié toestroming ingevolge wetgewing, die gekwalifiseerde oudit van die munisipaliteit en rioolstorting is tot dusver geïdentifiseer as sake wat deur AfriForum hanteer sal word.
Lede van die publiek wat die saak wil ondersteun en as AfriForum-lede wil aansluit, kan “Overstrand” SMS na 31336 teen 50c per SMS.
Marianne Rossouw, Interim voorsitter: Overstrand AfriForum
Sel: 082 454 9756, E-pos: mrmtours@gmail.com
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
