Vlnr is Pikkie en Alana Louw (Distrikswenner) saam met Kobus en Marlene Koekemoer (Sertifikaat) tydens die prestige-aand waartydens Alana haar toekenning ontvang het

Alana Louw van Laerskool Gansbaai is as wenner in die kategorie “Excellence in Primary School Teaching” vir “Uitnemendheid op die terrein van primêre skoolonderwys” aangewys. Sy gaan dus die Overberg Distrik by die Wes-Kaapse toekenningsgeleentheid verteenwoordig.

Alana Louw met haar trofee en geraamde sertifikaat wat sy as Distrikswenner vir “Uitnemendheid op die terrein van primêre skoolonderwys” ontvang het

Alana was een van 5 dames wat in hierdie afdeling genomineer is. Elf skole, waarvan Laerskool Gansbaai een is, het aan die “National Teachers Awards 2013” deelgeneem. Opvoeders is genomineer om deur ‘n paneel geëva-lueer te word. Die wenners van die onderskeie kate-gorieë gaan nou teen ander wenners uit die Wes-Kaap deelneem en daardie wen-ner sal die Wes-Kaap by die Nasionale toekennings-geleentheid verteenwoor-dig. Alana het haar pragtige trofee en geraamde serti-fikaat tydens ‘n gala-geleentheid op Donderdag, 5 September 2013 in Napier in ontvangs geneem. Sy het ook ‘n koopbewys van R3,000 daarmee saam ontvang, terwyl Laerskool Gansbaai ‘n prys van R5,000 en ‘n geraamde sertifikaat ontvang het, wat aan die skoolhoof, mnr Eben van der Merwe oorhandig is. Marlene Koekemoer, ook van Laerskool Gansbaai, het ‘n sertifikaat vir haar deelname as vakbondverteenwoordiger op die paneel van beoordelaars ontvang.

“Met hierdie besonderse prestasie dring Alana nou as Streeksfinalis deur na die volgende rondte en Laerskool Gansbaai is besonder trots op haar prestasie en wens haar sterkte toe vir die res van die proses,” het mnr van der Merwe gesê.

Hardus Botha
(Foto’s deur Ora Laubscher van Suidernuus)