Gansbaai Courant

Blog: 4 x 4 Flower Power

Published: 12 September 2013
By:Hardus Botha

Een van die roetes met ‘n panoramiese uitsig tydens die komende Flower Power 4x4 ten bate van Flower Valley Voorskool

Vanjaar se Flower Power 4x4 dag gaan weer 4x4 voertuigbestuurders toets met uitdagende roetes oor die Gansbaai landskap,” vertel Woensdregt Basson, organiseerder. Hierdie gewilde Flower Power 4x4 dag vind vanjaar op Saterdag, 21 September plaas. “Die opbrengste vir die dag gaan aan die Flower Valley Voorskool, die skooltjie vir twee- tot ses-jariges op Flower Valley Plaas.” Woensdregt sê die bestuurders het 4 moontlike roetes waarvan hulle 3 kan kies.

“Hierdie jaar is daar ook voorsiening gemaak vir passasiers of mense wat nie 4x4 voertuie besit nie, om ook die dag se modder- en sandpret te geniet.” Die roete deur Flower Valleyplaas bestaan uit modder, gras en sand, terwyl passasiers lieflike berg- en natuurtonele kan besigtig. Die Panorama-roete bestaan uit los klippe vir sowat 75m teen steil opdraendes, ‘n bietjie sand met die natuurskoon van die berge. Die derde roete is oor Murasie en die modder en sand op die roete behoort bestuurders op hul tone te hou. Die Witblitzroete loop oor senutergende steiltes en deur turfmodder. Die dag se aktiwiteite begin om 07:00 by Johnny Rockets Pub (GPS: S34 36.023, E 019 24.489), op die R43 regoor die Uilenkraalsmond-afdraai en voertuie trek stiptelik om 08:00 weg. Woensdregt sê daar word ook ‘n besige dag beplan vir die gesin, met lekker pryse, ‘n springkasteel vir die kinders, asook heerlike kos, onder andere ‘n perlemoenpotjie, wat beskikbaar sal wees. Daar is ook braaifasiliteite vir diegene wat self agterna wil braai.

“Polisie teenwoordigheid en radio kommunikasie sal verseker dat ons in kontak met ons bestuurders bly en dat ons dadelik sal kan help indien nodig,” sê Woensdregt. Inskrywingsgelde beloop R250 per 4x4 en R200 vir dié wat ‘n dag voor die tyd inskryf. Vir meer inligting kan Woensdregt Basson by woema@hotmail.com gekontak word, of skakel 082-457-3291.

Hardus Botha

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...