Gansbaai Courant

Blog: VGK Vrouediens Blompark Nuus

Published: 19 September 2013
By:Rienie Ludick

Vlnr: Eva Fisher Mona Julies Elizabeth Kondokter

Op Sondag 15de September het VGK Vrouediens weer bymekaar gekom. Die klompie vroue kom gereeld bymekaar en het op hierdie Sondag angstig gesit en wag vir twee verteenwoordigers van Gansbaai VLV om hulle gebak te kom be-oordeel. Hulle het in 3 Spanne opgedeel, en almal in die span het bygedra tot die bestanddele vir die koek, 'n besonderse een.

Die  besonderse koek se naam is 'n Bybelse Koek, en is glo in die bybel se tyd gebak. 'n Suurdeeg Koek, vol heerlike vrugte, met 'n bo-laag van gekookte vye.

Annatjie Liebenberg en Rienie Lüdick het die voorreg gehad om die koeke te be-oordeel, heerlik geproe daaraan, deeglik bestuurdeer, en die beste een uitgekies.
1ste was Elizabeth Kondokter , 2de Mona Julies, en 3de Eva Fisher. Die vergadering is toe afgesluit met die bediening van tee.

Hierdie is Annatjie en Rienie se tweede besoek aan VGK Vrouediens. Vroeër in die jaar het hulle die dames gaan wys om slaapsakke uit koerantpapier en plastiese sakke te maak. Die dames het ywerig deelgeneem en die klaar gemaakte slaapsakke is later uitgedeel aan behoeftiges. Hierdie is 'n projek wat deur Vroue Landbou Vereniging Kaapland (VLVK) van stapel gestuur is verlede jaar.

Dit is 'n op en wakker Vrouediens, en dit was 'n voorreg om hulle weer te besoek.

Rienie Lüdick 

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...