Die 9 finaliste vir vanjaar se Mej Fees van die Ganse, met vlnr Shahida Jacobs, Nikita Coetzer, Shane Aukamp, Claudia Weich, Mariska Maers, Cameron Stephens, Ivané Cornelius, Renayacia Pietersen en Tertia Pietersen. Voor sit 2012/13 se Mej Fees van die Ganse, Elzaan van Lill.
Gansbaai se langverwagte Dorps-/Straatfees is op hande - op versoek van die gemeenskap en vir die gemeenskap. Die feestelike stemming van vanjaar se Fees van die Ganse begin reeds op Vrydagaand, 6 Desember met die aanskakeling van Gansbaai se Kersliggies. Ná hierdie lusmaker, wag die Fees op Saterdag, 7 Desember - dus ‘n Feestelike naweek spesiaal vir Gansbaaiers, maar ook vir besoekers. Vrydagaand om 19:00 begin die naweek se feestelikheid met ‘n optog vanaf Gansbaai munisipaliteit na die area voor Gansbaai OK Foods. Daar wag opwindende kunstenaarsvermaak deur plaaslike kunstenaars, asook die finaliste vir Mej Fees van die Ganse wat ‘n laaste kans gaan kry om hul skoonheid en talente met die beoordelaars te deel.
Om 20:00 word die Kersliggies aangeskakel en direk daarna vind die kroning van Mej Fees van die Ganse plaas, wat deur Elzaan van Lill, 2012/13 se Mej Fees van die Ganse behartig sal word. Vanjaar se 9 finaliste is: Shahida Jacobs, Nikita Coetzer, Shane Aukamp, Claudia Weich, Mariska Maers, Cameron Stephens, Ivané Cornelius, Renayacia Pietersen en Tertia Pietersen. Etlike stalletjies sal beskikbaar wees - kom geniet die feestelike “dorpsaand” en kom kuier gesellig saam.
Saterdag begin die “sports” - ‘n Straatfees der Straatfeeste met bekende Matt Hurter as seremoniemeester tydens die optredes van die kunstenaars - met sowat 15 plaaslike kunstenaars, dansers, die Manne van Baardskeerdersbos en die hoofkunstenaar Wynand Windpomp. (Sien program op bl 9). Vele stalletjies, genoeg eetplekke, toiletgeriewe en alles wat nodig is sal beskikbaar wees om benut, gebruik en geniet te word. Om 12:00 sal die pas-gekroonde Mej Fees van die Ganse, haar prinsesse in ‘n spesiale voertuig, asook enkele ander voertuie en motorfietse vanaf Gansbaai Toerisme aan ‘n parade in Hoofstraat tot by Gansbaai Markplein in die midde-dorp deelneem. Vanjaar se Fees is ‘n nuwe konsep, maar vele sal uit “foute” geleer kan word en die komitee voel baie positief oor ‘n suksesvolle Feesnaweek. Laaste nippertjie-navrae kan aan Gansbaai Toerisme by 028-384-1439 gerig word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
