Gansbaai Courant

Nie te sleg nie

Nie te sleg nie

Gansbaai Courant

Eers gou die jongste hengelnuus, daar word wel geelbek gevang, máár jy moet weet waar! Vanaf ‘n baie betroubare bron verneem ek dat hulle gereeld van hierdie visse vang en verlede naweek het hulle goed gevaar. Al wat ek kan verklap is dat dit in die omgewing van die Punt is en op ongeveer 45 meter water. Dit laat natuurlik ‘n wye gebied oop, maar is dit nie beter as niks nie? Galjoen word ook gevang maar word nie juis in oorvloed gevind nie. Somtyds lyk die water reg maar dan lê die probleem weer by die watertemperatuur. Die weer verander ook gedurig en moet beslis in gedagte gehou word. Die manne wat ken van steenbras kan met reg spog dat hulle gereeld panne en roosters moet skoonmaak, so daar is nie klagtes nie. Onthou tog dat die hengelseisoen op die 14e van hierdie maand toemaak, so gaan jy die 15e soek jy moeilikheid!

Verlede week is daar gewys op die gevare van jou anker en veral die intrek daarvan. Hierdie week wil ek graag attent maak op ‘n ander probleem wat kan opduik wanneer jy met jou boot op see is. Dit gebeur somtyds dat wanneer jy die aansitter van die motor gebruik daar geen reaksie is nie. Een waarskynlike oorsaak is dat die krag vanaf die battery na die aansitter afgesny is. Jy is op see en een motor wat nie werk nie kan ‘n groot probleem word. Dis dalk net ‘n sleg konneksie by een van jou batterykoppelings of jou smeltdraadjie (“fuse”) wat die gees gegee het is moontlik die sondebok. Na die koppelings skoongemaak is en dit nie gehelp het nie, konnekteer ‘n kragdraad vanaf die positiewe pool by die battery direk aan die kragpunt by die aansitter. So behoort jy suksesvol te wees, indien die fout is soos hierbo beskryf.   

Lekker vang, Seemeeu

Nie te sleg nie

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant