Gansbaai Courant

Blog: Rolbalnuus

Published: 24 October 2013
By:Pieter Conradie

Vlnr Rinette Pratt, Hermien Fourie en Ihna Odendal

Op 15 Oktober 2013 het Franskraal Rolbalklub 'n driespel toernooi vir dames aangebied.  Dit is 'n jaarlikse instelling wat baie gewild geraak het by dames spanne van elders sowel as by spelers van Franskraal.  Vanjaar het spanne van Bredasdorp, L’Agulhas, Caledon, Hermanus, Kleinmond en Franskraal deelgeneem.  Dit het ook 'n instelling geword dat mev. Christie Groenewald van Kleinbaai hierdie toernooi borg en haar ondersteuning word hoog op prys gestel.  Sy was self ook teenwoordig by die toernooi.

Die toernooi was ook aangewend om bewustheid van kanker te bevorder en almal het 'n pink gedra kledingstuk (selfs die mans ook!) om die aandag daarop te vestig.  Dit het ook 'n kleurvolle vertoning op die perke geskep.

Ten spyte daarvan dat die weer nie mooi saamgespeel het nie, is goeie rolbal gespeel en die dames het dit wel geniet.  Die mans van Franskraal Rolbalklub het oudergewoonte vergoed vir die ietwat onplesierige omstandig-hede deur die dames te bederf met 'n smaaklike en baie aantreklike middag-ete en talle interessante geskenkies.

Die wenners van die toernooi was Hermien Fourie en haar span van Bredasdorp maar rolbal in die algemeen en kankerbewustheid het ook 'n groot slag geslaan.
Rolbal bly 'n spel wat deur almal geniet kan word.  Kom kyk gerus en word deel van die rolbalfamilie!  

Pieter Conradie
 

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...