Die nuus van die inkorting van die kreefvangs (die kreefseisoen maak op 15 Nov. oop) is beslis nie die beste nuus nie. Die volledige stel reëls word êrens in hierdie Courant bekend gestel. Dis ‘n ope vraag of dit enigsens haalbaar is om ‘n kreeflisensie aan te skaf. Die vangery self kan dalk nog “sports” wees!
Hoewel hierdie afgelope naweek ook vangste van geelstert gelewer het het die vangste vergeleke met die van die week taamlik afgeplat. Tog is daar ook geelbek sowel as snoek gevang. Ook is daar by die Gruis elf ingebring. So in werklikheid is die storie nie so donker nie en as die weer nie weer skielik onverwags opspeel nie kan beter vangste verwag word.
Die geelstertvangery is iets wat baie hengelaars sal fassineer. Een van die manne wat gereeld in Struisbaai sy geelstert gaan haal het my sy “tackle” gewys en ek was verbaas om te sien hoe sy voorbereiding van sy gerei gedoen word. Eerstens word sy lepel omgedraai en die hooflyn dan aangebind. In ander woorde, die hoek hang nie aan die onderkant nie, maar wel onderstebo en bo-aan die lepel. Iemand wat meer daarvan weet as ek sê dis hoe loodkophengel (dropshot) werk. In Struisbaai sê hy verder word geelstert selde met visaas gevang. Nog iets. Hier by ons, op die oomblik in elk geval, word hulle op die dryf gevang en totdat die geelstert nie grond toe gee pad nie, sal die “dropshot”-storie nie werk nie.
Dit sal die moeite werd wees om iemand wat ken van se raad te vra en sy gerei behoorlik te bekyk. Daar is nog ‘n magdom ander faktore en “tackle” (oppervlakproppe, loodkoppe, Rapalas, plastiekkunsase, rokkies, lepels, en sommer baie ander) wat in die prentjie kom en dit sal nie lonend wees om sonder hierdie wyshede te probeer geelstert vang nie. Kry net ‘n ou wat bereid is om sy kennis te deel!
Verlede week is mnr. Gert du Plessis se telnr. ongelukkig verkeerd aangegee. Dit moet wees 028 3840524, cell. 082 652 4459. Jammer. Hy is die man om te spreek oor jou vlottasieprobleme. Die nuwe reëls is baie meer gekompliseerd as wat dit oorspronklik gelyk het.
Lekker vang, Seemeeu
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
