Twee Januarie staan by Franskraal Rolbalklub bekend as die Helmie de Vriesdag. Dit is die dag waarop Helmie en sy vriende by die Rolbalklub saamtrek om 'n oggend van pret op die rolbalperke deur te bring en hulle slag met die rolballe te wys. Daar is lekker musiek gemaak om die regte atmosfeer te skep en “verversings” is strykdeur deur die klub voorsien om die lywe soepel en die tonge los te maak. Dit gee 'n skouspelagtige affêre af met 'n gejillery en tergery onderling en almal geniet dit terdeë. Na spel word iets te ete aangebied wat deur SUPERSPAR GANSBAAI geborg en afgelewer is.
Hierdie samekoms vind reeds vir die afgelope tien jaar plaas en as opgelet word hoeveel deelnemers tekens toon dat hulle die spel goed sal kan baasraak, is dit jammer dat hulle nie meer gereeld kan deelneem nie. Vanjaar het 28 spanne van 4 spelers elk deelgeneem. Deelnemers het van heinde en verre gekom en die klub goed ondersteun. Hiervoor is Franskraal Rolbalklub baie dank verskuldig aan Helmie en al sy vriende.
Die formaat van die spel was twee sessies van tien skofte elk. Na die eerste sessie is 'n spinnekop gespeel waarvoor elke spelers 'n klein donasie maak. Almal rol dan gelyk uit verskillende rigtings en die een wie se bal die naaste aan die spinnekop in die middel van die perk lê, wen 'n prys. In hierdie geval was dit Lize-Marie. Die opbrengs van die donasies word geskenk aan Gansbaai se plaaslike huis vir bejaardes – Herberg-aan-See.
Na afloop van spel is 'n prys van uitsoek wyn aan die wenners, Hartman Ries en sy span, Ronel, Alfred en Anke, oorhandig. 'n Prys is ook aan die twee beste geklede spelers, Vernon en Nicky Mans oorhandig. Dit is 'n nuutjie en volgende jaar sal die spelers sekerlik vir dié prys ook meeding. Die spinwiel het ook groot belangstelling ontlok en is twee keer gedraai. Johan Lubbe en Giepie Brandt was die gelukkige wenners. Na 'n genotvolle dag het ou vriende wat mekaar nie dikwels sien nie, 'n wyle verder saam gekuier. Volgende jaar maak ons weer so.
Pieter Conradie, Foto's: Philip Malherbe
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
