Bev Swart van die Birkenhead Boothengelklub met sy Wit Steenbras (5.3kg)
Die Overberg Boothengelklub (OBK) en die Birkenhead Boothengelklub (BBK) het, om vriendskapsbande te verstewig en te verseker dat meer booteienaars per kompetisiedae betrek word, besluit om meer gereeld gesamentlike kompetisies te hou.
Die eerste gesamentlike hengeldag was op Saterdag, 18 Januarie 2014. “Die gemiddeld van die twee klubs se jaartotale sal wel aan die einde van die jaar bepaal wie die trofee gaan ontvang, maar tot dan draai alles rondom onderlinge verhoudinge en gesellige boothengelkompetisies,” het die nuutverkose voorsitter van die BBK, Philip Fourie gesê. Die klubs hengel onder hul eie klubreëls en bepalings, maar vergader saam vir die skippersvoorligtings- en inweegsessies en om die beurt by die onderskeie klubgeboue. Die bemanning van die 5 bote wat elke klub ingeskryf het, het tydens die eerste kompetisie uitstekend gevaar, met OBK wat die BBK manne behoorlik pak gegee het.
Die BBK het besluit om voorlopig hulle kilogramstelsel na ‘n puntestelsel om te skakel. Hierdie stelsel maak gebruik van ‘n formule wat die aantal spesies in berekening bring. Die aantal bemanningslede van BBK se 5 bote was 15, ingesluit 1 dame.
Sewe verskillende spesies is ingeweeg en die totale aantal vis wat ingeweeg is, was 129 met 'n totale massa van 82.3kg, wat ‘n gemiddeld van 5.49kg per hengelaar beteken.
Die volledige uitslae is soos volg: Swaarste vis, Bev Swart (Wit Steenbras - 5.3kg); 2de Swaarste vis, Thys Fourie (Kabeljou - 1.8kg); Swaarste sak, Bev Swart (12.98 punte); 2de Swaarste sak, Piet le Roux (7.43 punte); Swaarste bootgemiddeld, Bella Me van Bev Swart (10.02 punte); 2de Swaarste bootgemiddeld, Nu Nu van Johan Burmeister en Gawie Krugel (6.88 punte); Dame Swaarste sak, Dixie Walsh (5.45 punte). Die 1ste 3 voorlopers in die onderskeie kategorieë is: Bootkampioene - Bella Me van Bev Swart (10.02 punte); Nu-Nu van Johan Burmeister en Gawie Krugel (6.88 punte); Relêks 2 van Jean Downing (6.46 punte). Mans Visvangkampioene - Bev Swart (12.98 punte); Henri Punt (6.99 punte); Steve Muller (6.50 punte). Dames Visvangkampioen - Dixie Walsh (5.45 punte).
Die Birkenheaders se kompetisie is deur Gannet Financial Services van Philip en Lorraine Fourie geborg en hulle kan by 028-388-0076 vir puik versekeringsdienste gekontak word.
BBK klubnavrae kan aan voorsitter Philip Fourie by 082-747-3634 gerig word en kompetisienavrae aan wedstrydsekretaris Johan Burmeister by 082-895-7647.
Hardus Botha
Divan Burger (9) met sy Geelbek (3.75kg) en Christof Dahl (10) met sy Wit Steenbras (4.65kg) van Overberg Boothengelklub
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
