In die laaste week van Januarie het verskeie kompetisies plaasgevind waaraan spelers van Franskraal Rolbalklub deelgeneem het. Op Dinsdag en Woensdag, 28 & 29 Januarie is die Franskraal mans- en dames parespel kampioenskap plaaslik beslis. Dit het goeie rolbal opgelewer wat in ideale weersomstandighede gespeel is, wat bygedra het dat 'n aangename gees onder spelers geheers het. In die mansafdeling het veral twee beginner-spelers die oog gevang met die gehalte van hulle spel. Jaco Swart en Johan Fick het geensins teruggestaan vir meer ervare spelers nie en saam met hulle maats, Tommie van Niekerk en Gideon Pienaar onderskeidelik goud en silwer gewen.
Regs: Marie Pretorius (links) en Kim Breach.
'n Gees van opwinding het veral onder die dames geheers en ook in hierdie afdeling is kwaai meegeding voordat Kim Breach en Marie Pretorius na hulle derde probeerslag daarin geslaag het om die titel te wen. Hettie Lass en Liz Nowers was tweede.
Op Saterdag en Sondag, 1 & 2 Februarie het uitdunrondtes van die Boland mans enkelspel kompetisie by Franskraal, Hermanus en Kleinmond plaasgevind. Spelers van Franskraal het hulle weer deeglik laat geld met Tommie van Niekerk wat tot die laaste agt spelers gevorder het en nou moet meeding vir die wenposisie.
Jan Fouché het presteer deur 'n gereëlde Boland speler die loef af te steek, maar dit was nie genoeg om hierdie speler se vordering na die laaste rondtes te keer nie. Nogtans geluk aan Tommie wat Franskraal se naam hoog gehou het.
Pieter Conradie
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
