Die paraatheid van Uilenkraalsmond Buurtwag, onder leiding van Paul Venter as koördineerder, raak al meer sigbaar met etlike verbeteringe en toerusting wat bygevoeg is. Die aanvanklike karavaan wat as ‘n kantoor gebruik is, word nou op ‘n roteerbasis in die kampterrein geplaas en dien as ‘n satellietstasie.
Die koördineerder van Uilenkraalsmond Buurtwag, Paul Venter en sy eggenote, Doreen staan hier voor die nuwe gebou wat as kantore dien, maar ook vir ander doeleindes benut word
‘n Gerieflike gebou is in die plek daarvan opgerig wat as “hoofkantoor” benut word. “Die gebou dien egter verskeie doelwitte, soos die Kampkomitee wat daar vergader, ‘n satellietstasie vir Gansbaai SAPD en ‘n “Kliniek” vir privaatheid tydens die klinieksuster se besoeke,” vertel Paul, wat nou ook die voorsitter van die Kampkomitee is. “Die kantoor lyk al soos ‘n inligtingsentrum!”
Die Buurtwag is nou in sy tweede bestaansjaar, nadat dit op 20 Februarie 2012 gestig is en tot op datum was daar net drastiese vooruitgang. Tans is daar sowat 20 aktiewe lede. Kyk mens na die reeds bestaande toerusting en dienste wat onder andere beskikbaar is, is dit te verstane dat dit net goed kan gaan: 2-rigting radios vir elke dagbestuurslid; direkte selfoon-noodnommers; gerekenariseerde inligting; kameras bokant vloedligte (wat seine aan die SAPD, gholfkarre en die rekenaar in die Buurtwag se kantoor stuur); 2 gholfkarre en 2 fietse vir patrolliediens; inligtingskaarte vir bejaardes met kontaknommers van geneeshere en naasbestaandes, asook besoeke aan hulle; getroue maandverslae oor alle gebeure.
“Ons bly steeds afhanklik van donateurs aangesien ons nie geld vir hierdie dienste mag vra nie, daarom dan ook my opregte dank teenoor soveel donateurs wat al bygedra het,” sê Paul. “Met alles tot ons beskikking en ons organisering het ons verlede jaar Aprilmaand laas ‘n ernstige inbraak gehad.”
Die Dagbestuur van die Buurtwag bestaan tans uit Paul Venter (koördineerder), Koos Esterhuizen, Jurie Crous en Steven Olinsky, met Doreen Venter as die span se regterhand. Belangrike selnommers om van kennis te neem is die 24-uur “Rooi Telefoon”, 072-947-6147, of die gholfkar se selnom-mer, 076-188-9126.
Vir navrae kan Paul Venter by 076-795-1698 geskakel word, of stuur ‘n e-pos aan uilenwatch@gmail.com.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
