Johan Wiese en Suna Botha (vlnr) het die bottels wyn aan die gelukkige wenners, Rhona van Schalkwyk en Gawie Krugel oorhandig, asof Gawie nie alreeds genoeg pryse ingepalm het nie
Boothengelkompetisies is van groot belang vir die Birkenhead Boothengel-klub, maar darem ook nie sonder ‘n groot geselligheid na afloop daarvan nie.
Verlede maand se geselligheid op 15 Februarie is met Valentynsdag gekombineer en dit was toe terselfdertyd sommer ‘n groot Valentynsaand saam met die prysuitdelings. Pryse vir Januarie en Februarie se boothengelkompetisies is oorhandig, met Johan Burmeister en Gawie Krugel wat sommer met ‘n reeks pryse weggestap het (Gansbaai Courant, Donderdag, 20 Februarie 2014).
Vroegoggend is daar hard deur Anita Botha, Johan en Susette Wiese, Lorraine Fourie en Stella Swart gewerk om die bootklubsaal in ‘n lus vir die oog (Valentynsgerig, natuurlik) te omskep. Twee lede, Danie Maree en Manie van Dyk, het op hul beurt buite gesweet om te sorg vir ‘n vingerlek-lekker spitbraai - en hulle mag maar spitbraai! ‘n Nuwe lid, Thys Fourie het sy lidmaatskapkaartjie ontvang, terwyl twee “ou” bekende klublede van De Kelders, Vincent van Rensburg en Pop Malan vanuit Swaziland kom oë wys het. Met die gelukstrekking het Suna Botha en Gawie Krugel elk ‘n bottel wyn ontvang.
Die funksie was ‘n enorme en gesellige sukses met 85 gaste wat die saal “toegepak” het en tot baie laataand gekuier en met Raymond Rabe se Musiekfabriek gedans het…..al het dit aanvanklik moeilik op die dansvloer gegaan met voorsitter Philip Fourie wat kort-kort afgekondig het: “Nog seconds vir die spitbraai is gratis beskikbaar!” Kennis moet geneem word dat boothengelkompetisies nie meer noodwendig op die 1ste Saterdag van elke maand plaasvind nie. Die volgende boothengelkompetisie is vir 8 Maart 2014 geskeduleer.
Kompetisienavrae kan aan Johan Burmeister, wedstrydsekretaris, by 082-895-7647 gerig word en Klubnavrae aan Philip Fourie, voorsitter, by 082-747-3634.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
