Een van die verjaardaglede, Walter Crouse (regs) is spesiaal deur Bev Swart gelukgewens en ook bedank vir sy jare van toegewyde werksaamhede in die gholfklub
Die tweede “Steak”-aand wat deur Gansbaai Gholfklub gereël is, het so goed verloop dat die bestuur nou tevrede is dat dit ‘n suksesvolle, maandelikse fondsinsamelingsfunksie kan word. “Ek is bly om te sien die ouergarde het besluit om nié hierdie steakaande te mis nie,” sê Bev Swart, Klubkaptein van Gansbaai Gholfklub. “Hulle het nou wel die kinders tuis agtergelaat en nie so laat soos die vorige keer gekuier nie, maar dit was duidelik dat hulle hulself terdeë geniet het.” Die steaks was weer eens vanuit die boonste rakke en presies na elkeen se voorkeur gebraai. Die gesellige atmosfeer het só oorgeneem, dat Bev hard oor die luidsprekersstelsel moes praat om “orde en stilte” te kry, want daar is so gekuier dat niemand agtergekom het die arme klubkaptein het ‘n paar gevleuelde woorde om te spreek nie.
Twee “verjaardag-gholfers” het ook die gesellige aand bygewoon. Die twee wat gelukgewens is, is JC Crous (77) wat ‘n gereelde Vrydagaand-besoeker is en Walter Strydom (80) wat vir etlike jare die visie-president, asook baanopsigter was.
“Dan is ek verheug om te sien dat Freddie en Kokkie Engelbrecht ‘n enorme borgskap vir die Gansbaai Classic aangebied het,” vertel Bev. “Freddie was verlede jaar ook die Sakekamer se hoofborg en vanjaar is dit die grootste borgskap deur ‘n enkele persoon wat ons gholfklub nóg gekry het.” Die aand is ook deur sowat 15 lede van die Birkenhead Boothengelklub ondersteun, asook deur Jack en Anita Doyle, gereelde besoekers vanaf Engeland en groot ondersteuners van die gholfklub, asook die hengelklub. Bev bedank graag vir René vir die slaai, Awie en Ria vir die “sterk” aartappelgereg, Danie 2 vir die broodtafel en die knap braaiers, JP en Jakkie. Gansbaai Gholfklub se volgende steakaand sal op Vrydagaand, 2 Mei plaasvind en almal is welkom.
Vir klubnavrae kan Jannie Brandt by 028-384-1441 geskakel word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
