Oubaas Lesch met sy mosselkraker van 10.64kg en Stephen Ashedin met sy steenbras van 15.62kg. Stywe lyne vir die naweek se rotshengelaars.
“Só moet visse mos lyk!”, sê Elba Tredoux van Overberg Kushengelklub met verwysing na hulle onlangse (winderige!) hengelkompetisie wat prag-visse opgelewer het.
‘n Totaal van 20 hengelaars het vir die maandkompetisie ingeskryf.
“Ons ster van die dag was die allemintige steenbras van 15.62kg (nuwe klubrekord vir ‘n steenbras) wat deur Stephen Ashlin, voorsitter van ons klub, gevang is,” sê Elba. “Dit was sy eerste inweegvis by die kushengelklub, asook sy eerste maat steenbras.” Elba sê nog ‘n klubrekord, ‘n mosselkraker, is opgestel met die enorme mosselkraker wat die skaal op 10.64kg tot stilstand laat kom het. “Hierdie vis is deur ons ou staatmaker, Oubaas Lesch gevang, met nog mooi steenbras en galjoene wat ingeweeg is, maar nie naby die kaliber van bostaande visse nie.”
Die kompetisie se finale uitslag is soos volg: Grootste vis - Stephen Ashlin met sy steenbras van 15.62kg; Tweede grootste vis - Oubaas Lesch met sy mosselkraker van 10.64kg; Swaarste sak - Stephen Ashlin (15.62kg).
‘n Heerlike ete het daarna gevolg, met Doreen Fourie wat spesiaal bedank word vir haar smaaklike hoender-pasteie.”
Elba rig graag die volgende bedankings namens die Bestuur: Maynard van Niekerk (verkryging van borge), Buitesteen, Fish Fever, Gansbaai OK Foods, OK Value (Franskraal), Chicken Land, Gansbaai Electric, Rosemary’s, Electric City, Battery Centre en Gansbaai Liquors. “Almal besef dat die ekonomiese toestande borgskappe bemoeilik, daarom ‘n hartlike dankie teenoor alle borge,” sê Elba.
Klublede, asook nie-lede en besoekers, word aan die Interklubkompetisie met Pearly Beach Rots- en Strandhengel-klub op Saterdag, 3 Mei 2014 herinner, met groot pryse wat op die spel gaan wees. Overberg Kushengelklub se 2014-kompetisiedatums is: 3 Mei (Pearly Beach), 7 Junie, 12 Julie, 9 Aug, 6 Sept, 11Okt (Stilbaai-naweek) en 26 Des. Inskrywings is Vrydagaande en inweeg die volgende dag om 18:00 by Overberg Boothengelklub se klubgebou.
Vir navrae kan die Wedstrydsekretaris, Leibrandt van Niekerk by 082-487-3106 gekontak word, of stuur ‘n epos aan hom by bietouprops@gmail.com.
Hardus Botha
Stephen Ashlin met sy steenbras van 15.62kg, saam met sy dogtertjie, Sarah-Lee
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
