Louis Otto by Marius van Rensburg se boot wat by Blousloep deur ‘n golf omgeslaan is, met Marius wat niks van ‘n kamera wou weet nie
Groot skrik en trauma was die gevolge vir twee gesoute boothengelaars toe die boot waarmee hulle op Vrydag, 18 April 2014 deur ‘n onverwagse golf omgeslaan is. Skipper Marius van Rensburg, eienaar van die boot, en Louis Otto, altwee van Franskraal, het by Blousloep uitgegaan om te gaan hengel. Met hulle terugkoms by Blousloep het ‘n onverwagse en groot golf die boot met brute krag omgeslaan, met ‘n reeks golwe wat kort op mekaar gevolg het. “Ons wou afspring, maar die daaropvolgende golwe het ons verhoed om dit te doen en ons kon net vir ons lewens aan die boot vasklou, met golwe wat een na die ander oor ons gespoel het,” vertel Louis. Marius en Louis het net aangehou om aan die boot vas te hou, wat later teen die rotse vasgespoel het en hulle gelukkig ‘n mate van vastrapplek kon kry. Louis vertel dat etlike mense hulle te hulp gesnel het, waarvoor hulle groot dankbaarheid koester. “‘n Onbekende dame van die Paarl het letterlik die see ingehardloop met hartpilletjies en vars water, aangesien sy gehoor het dat altwee van hulle hartlyers is. Bekendes wat deur Louis en Marius uitgelig en spesiaal bedank word, is Leibrandt van Niekerk se seun, Mynhard (15) wat ingeswem het om hulp te verleen, met Leibrandt self wat agterna is om hand by te sit. Hennie en Marinda Groenewald was ook bereid om die water en golwe te trotseer om hulp te verleen. “Aan elkeen van hulle, asook die ander gewillige mense wat bereid was om hul eie lewens in gevaar te stel om ons te probeer help, ‘n baie groot en spesiale dankie,” sê Louis. “Ons groot dankbaarheid gaan ook na ons Skepper wat ons lewens gespaar het.” Die skade aan die boot en enjine sal wel herstel kan word. Twee ervare manne, maar dit was net een van daardie onverwagse gevare van die see waar sake binne sekondes gevaarlik kan raak.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
