Die groot groep verteenwoordigers wat die onlangs Fraternal-ontbyt in die Gansbaai AGS-saal bygewoon het
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop. Die doel van die byeenkoms was om onderling tussen verskeie kerkgroepe te verkeer, maar ds Naidoo het net ‘n kort film oor Elim Home vertoon. Die doel daarvan was om Elim Home se omstandighede en werksaamhede onder almal se aandag te bring. Die Tehuis is lankal reeds in Gansbaai ook bedrywig. Met die hulp van Gansbaai Fraternal en die samewerking van kerke, is ‘n huis agter Gansbaai Superspar gekoop om ‘n meer permanente basis vir die Tehuis te vestig. Fraternallede sal later besluit op watter wyse daar in die projek ingekoop kan word. Die huis is tans onderhewig aan herstelwerk en Gansbaai Courant sal mettertyd volledig daaroor berig. Daarna is daar gesellig om die ontbyttafel verkeer en kon die lede vanuit verskeie denominansies ontspanne verkeer en saamkuier.
Die goeie samewerking tussen Gansbaai se onderskeie kerke het nog ‘n stap verder gegaan met die huur van ‘n perseel oorkant Gansbaai Superspar se ingang wat tot alle kerke vir fondsinsamelings-projekte se beskikking is. Elim Home is in 1963 as ‘n gewone woning deur die Morawiese Kerk gestig. Die Tehuis se 56 personeellede bied tans versorging aan 50 inwoners met ernstige intellektueel- en liggaamlik gestremde persone, wat gekwalifiseerde en kundige personeel verg, ingesluit ‘n 24-uur versorgingsdiens. Ondanks enorme finansiële verpligtinge om hierdie diens te kan lewer, staan hulle nie “bakhand” en wag vir hulp nie.
Verskeie selfversorgende projekte word op groot skaal aangepak, asook fondsinsamelingsprojekte waar daar hard gewerk word. Vir navrae en/of ondersteuning kan Elim Home by 028-482-1988 geskakel word, of stuur ‘n e-pos aan hulle by elimhome@zsd.co.za. Gansbaai Fraternal vergader elke laaste Donderdag van die maand om 18:00 uur vir samesprekings.
Navrae rakende Gansbaai Ministers Fraternal kan aan ds Dennis Naidoo by 028-384-1720 of 083-228-6815 gerig word, of stuur ‘n e-pos aan hom by dnaidoo2@telkomsa.net.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
“Dit is met groot dankbaarheid dat ons kan terugkyk na ons NG Kerk basaar wat verlede Saterdag plaasgevind het,” sê Petrus du Preez, sameroeper van die basaar.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
