Op Saterdag, 8 Desember, het die Gansbaai Tennisklub hul jaarlikse tennisdag aangebied.
Vanjaar was dit ons 10de toernooi en het die meeste deelnemers nog gehad. Daar was altesaam 58 spelers wat in 3 afdelings meegeding het. Daar was spelers van die Strand, George, Ceres, Paarl, Hermanus, Montagu, Gauteng, Bredasdorp, Worcester, Swellendam, Bonnievale, Goudini, Kleinmond en selfs Duitsland!! Gansbaai-omgewing was die dorp met die meeste spelers. Dankie vir jul ondersteuning (veral die 3 junior spelers wat ook saam met ons gespeel het.
Links: Marie Nieman van Centurion wat ‘n strandhuis in Perlemoenbaai besit.
Regs: Eben Lourens van Gansbaai
Baie geluk aan al die wenners. Die uitslae was as volg:
Die A-afdeling is gewen deur Graham Stieger (Gansbaai) en Amorè Hansen (Kleinmond).
Die naaswenners was Hendrik Burmeister (Duitsland) en Emeke Stieger (Gansbaai).
Die B-afdeling is gewen deur Leon Meyer (Kleinmond) en Celia van Blerk (Kleinmond). Die naaswenners was Stan Voges (Bredasdorp) en Marina Snyders (Bonnievale). Jan Louw (Kleinmond) en Koba Dippenaar (Bonnievale) het die derde plek behaal.
Die C-afdeling is gewen deur Neville Koert (Gansbaai) en Desireè Blackburn-Hall (Gansbaai). Die naaswenners was Karriem Adams (Ceres) en Wilma Steenkamp (Strand).
Gansbaai Tennisklub en sy lede wil graag van hierdie geleentheid gebruik maak om mense en instansies/besighede te bedank vir hul bydrae en skenkings tot die sukses van die dag.
Ons groot waardering en opregte dank gaan aan: Shark Diving Unlimited, White Shark Projects, White Shark Aventures, Great White viewing & cage diving, Koos Geldenhuys van Old Mutual in Worcester, Gansbaai Marine, Gansbaai Spar, OK-foods, Fine&Country, Petrus eiendomme, Hermanus Liquor Stores, Belmont Cash&Carry, Kleinkaap kwekery, Dr C.Loubser, Fabriekswinkel, Knapsak (heerlike kos), Gerhard en Ansie Germishuys (sonder julle was ek verlore!), Piet en Elsabie Schoombie, Alta van Niekerk, Charl van Schalkwyk, Lisel Joubert, Pat Ronquest, William Low, Eben Lourens en Desireè Blackburn-Hall.
'n Geseënde Kersfees en voorspoed vir die nuwe jaar word almal toegewens. Ons sien mekaar op die bane gedurende die vakansie-tyd of dan weer volgende jaar. Reis veilig.
Tennisgroete, Daniel
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
