Die Birkenhead Boothengelklub is met hulle 3de boothengelkompetisie nou op volle vaart. Bev Swart van Bella-Me en sy bemanningslede, Steve Muller en Piet le Roux, het met hierdie kompetisie vir 'n verrassing gesorg (swaarste boot- en sakgemiddeld), maar nie groot genoeg om die voorlopers stof in die oë te skop nie. Op 2 Februarie 2013 het 6 bote met 'n bemanning van 18 ingeskryf en ingeweeg. Ses verskillende spesies is ingeweeg. Die totale aantal vis wat ingeweeg is, is 172 met 'n totale massa van 97.15kg, wat ‘n gemiddeld van 5.40kg per hengelaar beteken.
Die "wenspan" van verlede Saterdag se boothengelkompetisie, met vlnr Bev Swart en sy bemanningslede Steve Muller en Piet le Roux voor Bev se boot, Bella-Me
Die volledige uitslae is soos volg: Swaarste vis, Johan Burmeister (Rooi roman - 2.00kg); 2de Swaarste vis, Jean Downing (Rooi roman - 1.75kg); Swaarste sak, Bev Swart (8.95kg); 2de Swaarste sak, Johan Burmeister (8.25kg); Swaarste bootgemiddeld, Bella-Me van Bev Swart (8.28kg); 2de Swaarste bootgemiddeld, Nu-Nu van Johan Burmeister (7.98kg); Dame Swaarste sak, Elna van Zyl (5.45kg). Die 1ste 3 voorlopers in die onderskeie kategorieë is: Bootkampioene - Nu-Nu van Johan Burmeister (19.75kg); Jay-Bee 2 van Piet van Zyl (16.73kg); Relêks 2 van Jean Downing (12.51kg). Mans Visvangkampioene - Johan Burmeister (19.85kg); Gawie Krugel (19.35); Piet van Zyl (16.85kg). Dames Visvangkampioene - Elna van Zyl (17.65kg); Dixie Walsh (12.30kg). Johan Burmeister het ook die "los lootjie" vir die grootste vis vir sy Rooi roman losgeslaan. Die eerste registrasie-aand het heel bedrywig verloop, met diè dat Overberg Boothengelklub voortaan saam met die Birkenhead Boothengelklub vir hul maandkompetisies registreer.
Altwee die klubs is WP geaffilieerde klubs en daar word gepoog om die onderlinge samesyn te verhoog. Die eerste funksie-aand vir 2013 het gesellig verloop. Enkele Overberg Boothengelklublede was ook teenwoordig, asook 'n paar besoekers vanaf Hermanus se dansskool. Klublede Kobus du Toit en Philip Fourie het presies geweet hoe om Fish Lady se vis te bak en die Vis & Skyfie-ete met slaai en nagereg was vanuit die boonste rakke. Soos gebruiklik het Raymond Rabe gesorg dat die res van die aand gesellig op die maat van sy musiekfabriek verloop.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
