Vlnr agter: Sharon van Minnen, Suzette Brand, Tanya Smit, Adele Venter (kaptein), Andrea Havenga, Suanne Hugo, Jackie Burger, Morne van den Berg (spanbestuurder). Vlnr voor: Susan Davis, Melanie Smit en Laetitia de Klerk.

Gansbaai se damespotspelspan sal die Westelike Provinsie Plattelandse Streke Span (WPCR) van 28 April tot 4 Mei in die SA Dames Potspel Kampioenskappe verteenwoordig. Die kampioenskappe word by Kleinplasie in Worcester aangebied. Die bestuurder van die span en eienaar van die Seaview Sportmans Pub, Morne van den Berg, is met reg trots op sy span. “Dit is die eerste keer dat ‘n WPCR damesspan vir die SA Kampioenskappe gekies is. Die span is almal Gansbaaiers en hulle verteenwoordig die Overberg Distrik wat die Strand en Gordonsbaai insluit. Die spelers moet hul eie kostes dek en enige borge of geldelike bydrae sal verwelkom word.

Adelle Venter kan in dié verband gekontak word by 072 101 3877.                              

Francois de Jongh