Johan Bauermeister (links) en Gawie Krugel by Nu-Nu, met van die geelsterte wat hulle by die Punt aangekeer het. ‘n Paar skipjacks is ook gevang.

Die galjoen wat nou gevang word is baie mooi, maar dié word eers teen so Julie-maand roostervet, maar wie gaan kla? Die groot nuus is die geelstert wat in groot skole by die Eiland gesig wys. Indien jy dink dis net vir gaan haal maak jy ‘n groot fout. Sellfs die ouens wat ken van sukkel soms om die vis gevang te kry en dit sal loon om eers te gaan kers opsteek by hierdie manne om vas te stel hoe dinge gedoen moet word. Die kwaai strome help ook nie.

Tussen die groot jag is daar ook bietjie lag. Piet van Zyl en vroutjie Elna was met hulle boot op see toe Piet ‘n roofvoël (skua) bo sy kop gewaar. Meeste mense is bewus daarvan dat hierdie voëls ‘n aasvis so in die vlieg uit jou hand sal pik. Maar Piet het nie ‘n aasvis as aanlokmiddel gehad nie en Elna het later gesê hy moet hom by die stuurdery bepaal. En dis net tóé dat die voël besluit dis tyd  -- hy duik netjies op Piet se kop af en steel sy kep van sy kop af. So maklik, dink Piet gee hy nie sy geliefde kepsie af nie en sit die seevoël agterna. Verniet! Toe hy hom bereik is die keppie al versadig en grond toe. Intussen het ek en van my bemanning ook dieselfde ding oorgekom, behalwe dat keppie se kind vasgemaak is en nog veilig in my besit is.

Brandon Groenewald met ‘n snoekie en ‘n geelstert. Eddie Kalbas, skipper van Black Label, kon spog met ‘n goeie vangs.

(Hy soek perdalks ‘n beter kwaliteit hoofbedekking!!). Ek wonder nou of dit dalk dieselfde voël is wat hierdie gewoonte aangeleer het. Piet weier om hom ‘n seevoël te noem en sê dis ‘n skollie!  Eldo Marais weer, moes die band met die “gaff” haak toe hulle Kleinbaaihawe inkom. Die stroom was bietjie sterk en (wel, dit wás sy linkerarm) Eldo kon nie sterk genoeg klou nie.  Die “gaff” trek hom toe oor die kant van die boot en was dit nie dat die bemanning hom aan die stukkie lyf nog in die boot, beetgekry het nie, het hy nou nog geswem. Boonop wou die dame in beheer daar, ook in die gees vasgevang, hom ‘n kaartjie uitskryf vir “ongemagtigde swem in die hawege-bied”. Eina! Geniet die see. Groete,

Seemeeu