Na die nederlaag teen Worcester (Villagers) verlede Saterdag vereis dit nou planmatige optredes.

Om dit te kan bereik sal innovasie, harde werk en ‘n pragmatiese benadering van alle rolspelers op die dorp op alle vlakke verg.

Black Leaves Rugby Voetbalklub van Gansbaai bevind hom glad nie in ‘n gunstige posisie nie, wat nog te sê met drie middelmatige spanne teenoor die groter en fisieke opponente. Verlede Saterdag het die beskikbare manne vir hulle dorp gaan bloei op Worcester. Kyk, Worcester, het dit behoorlik laat dreun op die manne, maar die Baaienaars het geensins ophou veg voordat hulle die opponente se doellyn oorgesteek het nie. Brawe Trojane.

Daar lê nog ‘n vreeslike opdraende pad voor waarvan daar nou hand uitgesteek moet word vir hulp tot redding.  Met ander woorde help red die klub deur aktief te wees en begrip te hê vir die probleme, uitdagings en geleenthede tot ontwikkeling.
Black Leaves staar Wellington komende Saterdag 11 Mei in die gesig. Die uwe kan geen vooruitskatting gee van wat gaan gebeur nie. (Wag maar eers).

Apatie of belangeloosheid van spelers skep ‘n vrugbare teelaarde vir dwelms, bendes, ‘n verbrokkelde gemeenskap, en ‘n flagrante verontagsaming van wet en orde. Rugby bring goeie praktye. Kom ouers, stuur julle seuns en moedig hulle aan. Sterkte teen Wellington, Black Leaves.

So sê Bra “G”