Gansbaai Courant

Die lekker van saamwees

Die lekker van saamwees

Gansbaai Courant

Terwyl ons wag dat die onweer die regte resultate lewer, is daar ‘n ander voorreg wat nie misgekyk behoort te word nie. Hierdie weer veroorsaak dat ‘n lekker kaggelvuur tot sy reg kom. En daarmee saam natuurlik, gaan die bymekaarkomslag van goeie vriende. Die prentjie raak volledig wanneer die aangename gesels daarby ingesluit word, en nog iets  --  ‘n vet vissie op die kole is ‘n móét.

Die  tipe vis wat jy gebruik is nie die belangrikste nie, die geselskap wel. Moet sê, het jy die geluk om ‘n galjoentjie of dalk ‘n ordentlike snoek tot jou beskikking te hê, raak die storie darem baie aangenaam. Terwyl daar al vantevore uitgewei is oor die braaiery self, sal dit nie kwaad doen om na ‘n paar punte te verwys nie. Nommer een, ‘n vet galoen is nie te versmaai nie, en die tyd daarvoor is so teen Julie/Augustus. Ek gaan nie eens verwys na wat as, kom ons noem dit maar melkwurms, bekend is nie. (Tussen ons gesê, dit beinvloed in elk geval nie die smaak nie!)  ‘n Vet snoekpens behoorlik gebraai en lekker vriende daarmee saam, laat jou met geen ander aspirasies nie. Om terug te keer tot die galjoen, en kom ons neem aan dis een van daardie  beroemde hangpense, dan is die saak reg. Om te krap of nie, gaan nie die wêreld verander nie. Waaroor almal sekerlik sal saamstem is dat die galjoen gevlek móét word. Wat daarna volg het al menige aartsvyande veroorsaak  --  die braaiery self!  Of jy nou eers die vleiskant of die velkant braai en hoe lank en hoe skerp die kole moet wees, is amper so ‘n ernstige saak as potjiekos. “Moenie vir my kom sê hoe ek moet maak nie!”. As die ander man braai, laat hom maar sy ding doen, en sorg jy maar vir die ander noodsaaklikheidjies.

Wat ek wel kan aanbeveel is indien jy een van die bevoorregtes is om deel van daardie braai te wees, soos alle dinge in die lewe, geniet dit ou maat, jy gaan dalk lank moet wag vir ‘n volgende keer! Gesels ‘n hond uit ‘n bos uit, waardeer jou vriende, smul behoorlik aan die vis en  --  wees dankbaar!

Van al die lekker goed gepraat, hierdie wilde water wat see toe gaan so moeilik maak, lyk baie mooi vir galjoen  --  so loop haal vir jou. My voorspelling dat die geelbek nou sy opwagting móét maak, bly staan.

Groete, Seemeeu

Die lekker van saamwees

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant